أدم وحواءعام

رساله من امرأه / تعليم مصر فاشل

كتبت : داليا طه
لو على مر العصور اللى مرينا بيها مع وزراء التعليم لاكثر من ثلاثين سنة ، حنلاحظ لاخرج علينا حد فاهم التعليم صح ، كله داخل يجرب وبس ، آخرهم كام حاجه حط سنه سته وشيل سنه سته ، ثانويه عامه سنه واحده توتر لا خليها سنتين توتر ، ياااه قليل نخليها ٣سنين توتر ، تنسيق يودى اى حد في اى حته حتى لو مش فاهم ومش حابب ومش عايز ، دخول المدرسه ٦ ومره ٥ و٨شهور ومره ٥سنين و٦شهور ، ابلكيشن طويل عريض مع مبلغ وقدره علشان نختبر ابنك اللى لسه فاكك البامبرز ومفطوم ، حيقدر يكون عبقري ولا مجرد طفل ذكائه يلعب ويجيب مصاصه ، اختبار للاب والام حضرتك خريجه ناشونال ولا انترناشونال ومعاكى كام لغه ، حضرتك مهندس في شركه استثماريه كبيره ، ولا دكتور وكشفك عدي ال٥٠٠ جنيه ، ولا محاسب في البنك الأمريكى ولا التجاري ولا الاماراتى، كل ده علشان عيل حيدرس لمده ٣سنين أ فاتحه و أ كسره وأ ضمه .
ونيجي بقي للتفاخر بين المدارس نخلى مدارس الحكومه على جنب حتتقارن ازاى مع انها الاساس وهى اللى خرجت العلماء و واللى اخدوا نوبل نركنهم لانهم دولا دون المستوي ، ولا حد حكومه يخبي لحسن نزله بالمستويات الهاي كلاس اللى بدأت تنتشر ، وندخل على التجريبي بسعر والمميز بسعر ودولا في الحنين ، لو فكرت في مدرسه خاصه تبدأ تفكر في الميزات تلاقي بقي اللى بيتعامل معاك بالجنيه المصري والدولار والاسترلينى ، اصل أهالينا معظمهم خواجات ومعلقه ذهب وكده ، وتلاقي الام والاب فرحانين انهم مش فاهمين عيالهم بيدرسوا ايه بس المهم احسن مننا ، وعقده الخواجه تظهر كلمه عربي على حته عربي مكسر على انجليزي شعبي على كلمه افرواسيوي وافرواوربي، اهو شئ لزوم الشئ، آه والله زي مبؤلك كده .
ونستغرب الازمات والمشاكل وتفتكر كل مادفعنا أكتر في مدرسه ، حنلاقي الفرق الا مارحم ربي .
وعلشان ماكنش تشاؤميه إحنا مالناش اصلا مكان في التصنيف العالمي للتعليم ومش جايبه حاجه من عندى لا ده احنا خرجنا خااااالص. نبدأ بقي نقول ونسرد المشاكل وسواء اختلفنا او اتفقنا مافيش وزير حقيقي رفع من مستوي التعليم في مصر ، لاعنده فكر ولاثقافه ولاابداع ولا عنده نظره وخطه طويله المدي ولا حتى قصيره .
بدأ الناس تتعامل مع بعض بمنظره كدابه علموها لعيالهم مع ان خلاص كله بيتساوي في الجامعات الحكوميه والخاصه ، واللى دفع لابنه ٥٠جنيه حكومى زى اللى دفع ٥٠ الف بس بيحبوا يكلموا بالكام كلمه مكسره من العربي والانجليزى مع بعض .
اهم حاجه الأم وسط الناس تلوى لسانها وتقول المدرسه اللى فيها ابني مميزاتها كذا لكن بياخدوا فلوس اد كده ودروس أد كده ، للاسف اولاد متخرجين من مدارس لغت الدين كماده اساسيه اسلاميه ومسيحيه وبدا ينتشر فكر الالحاد اللا دين انتشر سلوكيات الغرب من علاقات وزواج عرفي وشذوذ وسرقات وتحرشات لان الاهالى بقوا مطمنيين انهم دافعيين الشئ الفلانى وشالوا ايديهم من اولادهم خالص وبعدوا عن المتابعه والنصيحه والارشاد والاحتواء والدين والظبط والربط .
للاسف الاعوام السابقه جميع المشاكل التى طرحت، كان سببها إن الماده غلبت وباعوا ولادهم لمدارس في اعتقادهم انها افضل من الأسره .
اهم حاجه المنظره وبدا يبقي في سقوط للهويه والانتماء لبلاد اخري غير وطنا .
ونسوا إن التعليم ده دخل فيه اليهود بمعتقداتهم ، نعم عندما تسال أم هل قراتى التاريخ وترجمتيه للغه العربيه ، حتقول لا مش لانها مش فاضيه ، لا ماهى عيزاهم يكلموا ومش شرط هى تعرف .
ولولا رساله قراتها لمستشار في بريد الاهرام اكبر صحيفه مصريه ، ان التعليم اللى داخلنا من بريطانيا ماهو الا ترسيخ وتمكين اليهود من ارض مصر ، وتشويه تاريخنا باننا لنا حق في آثارنا ونيل مصر حلم اليهود ، من النيل للفرات ولو لاحظنا سقوط الدول ماعدا حلم الغرب واليهود انها مصر يا ساده. 
علشان كده لازم ناخد بالنا من تعليمنا والاماكن اللى بيتعلموا فيها مانفرحش بمدارس بريطانيا وأمريكية. 
أتمنى اختيار وزير تعليم مصري مميز ، الغاء جميع الحشو في الكتب لأن الحياه الدراسيه غير الحياه العامه ، اشراف كامل على المناهج الدوليه، واساسا الدين الماده الاساسيه وفي المجموع، تطور التعليم ودخول الاشغال اليدويه والعلميه والارشاديه لتوجيه الطلبه، تفاعل قسم الرياضه اكثر. 
رئيس قسم هو وهي: داليا طه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: