أدم وحواءعام

وريقات أربعينية



بقلم د. غاده فتحي الدجوي

وريقتي اليوم لكم عن أخر ساعه في عيد الحب و علي فكره الصورة اللي في الموضوع أنا اللي رسمتها و أنا مش رسامة و لكن اليوم كان عيد الحب و احنا الأن في أخر ساعه في عيد الحب ياتري كده اليوم خلص .. أعتقد لأ.. مجرد الإحتفال باليوم و كأننا بنقول أيوه بدأنا سنه جديده بالحب و انهارده حضرت ورشه عمل بخصوص عيد الحب و كان شرط الحضور إننا نكون ثنائيات، زوج و زوجه.. صاحبتين.. أختين .. إتنين مخطوبين.. و الهدف إنك تعمل حاجه تشوف بيها جمال الدنيا و بسيطه المهم تكون مفرحه و بدأناها بالتخيل و بعدين بالفرشاه و الألوان و لقيتني ماسكة الفرشاه و برسم الرقص الصوفي او التنوره و السما و عصافير، و أنا ماسكة الفرشاه و بعمل دواير التنوره كنت حاسه إني بلف و أدور و لامسه السما و كنت سعيدة جدا .
عارفين بحكي لكم ليه؟ علشان اقولكم الحاجه اللي بتفرح ممكن تكون بسيطه تضحك، ترقص، تغني ، ترسم … المهم قلبك يفرح من جوه مع الناس اللي بتحبهم و كمان حبيت اقولكم ممكن احتفالكم يكون غير تقليدي و نلبس أحمر … لا تعالي نرسم و نلون بكل الالوان و اقعد مع اللي بتحبهم و كلمهم و شاركهم حتي و لو دخلتم المطبخ سوي و عملتم أكله ، لو قعدتم في البلكونه و سمعتم أغنية أو روحتوا لدار أيتام … لو حضرتم ورشه عمل جديده ، و ابدأوا بكره ٣٦٥ يوم جديد و كل يوم عيد حب.. فكروا كل يوم فكره تقرب بينكم و بين اللي بتحبوهم و اعملوها و اكتبوا في اجنده فكره كل يوم علشان اخر السنة تشوفوا عملتم كام عيد حب في حياتكم و حياة اللي في حياتكم، و ده علي غير العادة لأننا دايما نعمل أجنده مواعيد او مذكرات مشاكل… تعالوا في أخر ساعة في عيد الحب السنة دي نفكر بكره في أول سنة حب جديدة هتبدأ بكره هنعمل إيه يفرحنا اولا و يفرح اللي حوالينا…
فرحوا نفسكم و إسعدوا نفسكم اولا علشان تكونوا كشعاع الشمس تعطوا الدفء و النور لكل اللي حواليكم…
قوموا هاتوا أجندة سنة جديدة حب …

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: