حياة الفنانينعام

مصممة الأزياء”ماجدة داغر”تعاملت مع معظم نجمات مصر وقدوتي اخي محمد داغر


نشأت في عائلة فنية 
حلمها منذ الصغر تصميم الأزياء 
اتجهت هي واخيها محمد داغر الله يرحمه لتصميم الأزياء 
عملو طفرة حلوة في مصر في تصميم الأزياء 
محمد داغر قوم صناعة الأزياء في مصر وخلا شباب كتير يحبوا صناعة الأزياء 
تعلمت تصميم الأزياء عن دراسة في باريس 
تعاملت مع معظم نجمات مصر جنات ، رانيا يوسف ، نادية الجندي وكتار.
أقرب تصاميم لقلبها فساتين السواريه والزفاف وهم تخصصها
تعتمد في تصاميمها على البساطة والألوان الهادئة 
قدوتها محمد داغر الله يرحمه وايلي صعب وزهير مراد 
الاسرة والاولاد اهم حاجة في الحياة 
بتحب يرحع زمن الرسول عليه الصلاة والسلام
حوار ريما السعد
أشهر مصممة أزياء في مصر وشقيقة مصمم الأ زياء الراحل ” محمد داغر ” الذي نجح في غضون سنوات قليلة وأصبح نجما في عالم الأزياء ,وهي ابنة عازف الكمان المعروف والموسيقار عبده داغر , عشقت تصميم الأزياء وأصبح اسمها علامة بارزة , حيث ارتدى تصاميمها عدد كبير من المشاهير , حيث تتبع دائما مدرسة محمد داغر الخاصة أهم ما يميز تصاميمها البساطة والأناقة : مصممة الأزياء ماجدة داغر 


حديثنا عن نشأتك ؟ 
انا نشاءت فى عائلة فنيه والدى الموسيقار عبده داغر وكان تتلمذ على يده معظم مطربين وموسقين مصر فالفن نشاء معايا منذ طفولتى واخترنا الأزياء انا ومحمد الله يرحمه وكانت طفره حلوه فى مصر فى الأزياء ومازالت مستمره لأن الأزياء عشق لاينتهى

هل تصميم الأزياء كان حلمك ؟ وهل لدراستك دور في عملك ؟
طبعا حاجة كنت بحلم بيها وهاوياها واحنا من عائلة فنية والدنا الاستاذ عبدو داغر ، الفن مأثر فينا كلنا فاتجهنا انا ومحمد الله يرحمه للأزياء ، درسنا في باريسونجحنا من اول سنه وجينا عملنا أتيليه وهو كان الواجهة بالنسبة لي ، لأنه كان فيه طموح عاجبني جدا وموهبة مأثرة في كل الشباب لحد الوقت ، هو اللي قوم صناعة الأزياء في مصر وخلا شباب كتير يحبوا صناعة الأزياء


متى بدأ اهتمام ماجدة داغر بعالم الأزياء ؟ 
بداء اهتمامي من حوالي سبعة عشر سنة عندما صمم محمد  فستان لسميرة سعيد وعجب الجميع جدا ومن هذا الوقت اقترح علينا الوالد ندرس أزياء في باريس علشان لمى نعمل حاجة تكون مدروسة بشكل صحيح

كيف تختاري التصميم المناسب لكل شخصية ؟
بحدد التصميم حسب الشخصيه اللى بتعامل معاها والجسم وديما بنصح بالبساطه وايه اللى ممكن يليق عليكى مش ايه الموضه يعنى ناخد من الموضه مايناسب شخصيتنا وجسمنا مش موضه وخلاص

من النجمات والمشاهير الاتي تعاملتي معهن ؟
انا اتعاملت مع معظم نجمات مصر وحتى من وقت محمد الله يرحمه جنات رانيا يوسف ناديه الجندى سوسن بدر هنا شيحه دره وكتير


ماجديد تصاميمك لعام ٢٠١٨ ؟
فى 2018 الكولكشن كله بسيط للبنات وبعض التصميمات لسيدات تعتمد برضه على البساطه والوان هاديه وفلورى ودانتيل

ما هي العوامل التي تحرصين عليها في تصاميمك ؟ 
بحرص فى تصميماتى على ابراز الجسم انه يكون شكله حلو واخفاء العيوب بالاضافه للبساطه والتطريز يبقى محسوب مش حاجه بتلمع وخلاص يعنى بعتمد على الموديل والخامه اكتر

سبب قولك ابتعاد صاحبات الجسد الممتلئ عن الفساتين البيضاء خاطئ ؟وبشكل عام هل الألوان الفاتحة لا تناسب الأجسام الممتلئة ؟
بالنسبة للألوان الفاتحة طبعا تقدر كل السيدات تلبسها المهم الموديل اتعمل ازاي ، يعني لو في مناطق ممتلئة نبعد السترس عليها ،فانتي ممكن تلبسي لون فاتح بس الموديل يبينك ارفع من وزنك الحقيقي فالقصة بتاعة الفستان تحدد إذا كتني تقدري تلبسي فستان فاتح أو لاء


على ماذا يعتمد تصميم الأزياء ؟ 
لازم أطلع على كل الناس عاملة ايه بالنسبة للمصممين العالمين زهير مراد ، ايلي صعب ، حتى الاوربين طبعا انتي عارفة أكاديمية الموضى في باريس بتحط القصات والك بيمشي على شكل الموضى الحديد الي هي منزلا وكل واحد بياخذ الي بيناسب بلدو ، ممكن تاخذي القصات الأساسية والألوان الاساسية وتعمليها بالشكل اللائق والأجسام الي موجودة وانا شايفة أنو الستات بدأو يهتمو بإجسامهم اكتر ، ودي بتساعد مصممين الأزياء يعملو قصات وأشكال أكثر والجسم بساعد طبعا

ماهو أقرب تصميم الفساتين لقلبك ؟ 
أقرب تصاميم فساتين لقلبي السواريه والزفاف لأنهم تخصصي من البداية كنت حباهم وكان الحقيقة محمد الله يرحمه بيبهرني 
يعني الموديلات الي كان بيعملها كانت جديدة جدا على مصر وتقريبا احنا عملنا طفرة في صناعة السواريه والزفاف في مصر

هل مررتي باحباطات وصعوبات من منافسين لك جعلتك تفكري في عدم استكمال مسيرتك ؟ 
طبعا كل الناس بتمر بصعوبات من المنافسين والناس الي حوليها بس عمري ما فكرت أني ابتعد ، حتى بعد وفاة محمد كانت وصيته الأخيرة ليا إني ما قفلش البزنس دا ، فاتحديت كل الظروف . عايزة اقول لك تاني يوم وفاة محمد الله يرحمه كنت بسلم فستان زفاف لأنه طبعا لازم تبقي ملتزمة بمواعيدك وملتزمة بالناس اللي عندها مناسبات فاطبعا طول عمرنا ملتزمين بالقصة دي ، أي صعوبات كانت بتقابلنا كنا بنتحداها حتى بعد وفاته مشيت واستمريت وكملت الحمدلله حتى الثورة ما وقفتني حتى أكمل مسيرتي


مصمم الأزياء الراحل محمد داغر نجح وأصبح نجما في عالم الأزياء خلال سنوات قصيرة رحمة الله عليه 
حديثنا عن الاشاعات حول مقتله ؟ 
بالنسبة لمحمد وموضوع مقتله طبعا كلها أشاعات وصحفين ما عندهم مبادئ والحمدلله ربنا خسف فيهم الارض ، لأن الصحفي إذا مكنش عندو ضمير فدي مشكلة كبيرة ، فكان في ناس كتير دخلاء على الصحافة والجرايد الصفرا والمجلات الصفرا الكلام دا مرينا بيه كلها كانت اشاعات وكان في تقرير يقول كلها إشاعات على محمد ، والذي ذاعته بس ساعتها مني الشاذلي لإنه كان عندها الجرأة تعمل كدا ، كلها إشاعات وربنا ينتقم من كل حد عمل إشاعة على محمد . 
محمد كان إنسان لحد النهار دا كل إلي بيفتكرو كان ملاك ماشي على الأرض ، ربنا يرحمه يارب

ماجدة داغر عشقت تصاميم الأزياء ، أصبح اسمك علامة في هذا المجال ، حيث تابعتي دائما مدرسة محمد داغر الخاصة 
لماذا ؟ 
فعلا كان محمد داغر كان صاحب مدرسة وعمل طفرة في صناعة الأزياء والكل كان يتحدث عنها ، كان بيجيلو تلفونات من بيروت من مصممين معروفين احنا استعنا بالنصميم بتاعك ، لأنه حاجة جديدة فهو كان مبتكر دائما ، فهذه الحقيقة المدرسة الي اتعلمت منها وعجبتني ودخلت فيها ولحد الآن أنا بقول أميز حد جءا مصر في صناعة الأزياء ودا كلام كل الناس مش كلامي لوحدي 
وهو الوحيد الي كان معترف به عالميا في صناعة الأزياء من مصر وكفاية الجائزة الي أخذها من امريكا وكان مشترك فيها ٣٧دولة من أوربا وأمريكا وكان هو الدزاينر الأول الحقيقة هو عمل مدرسة وطفرة في صناعة الأزياء في مصر




من قدوتك ومثلك الأعلى ؟
قدوتي ومثلي الأعلى كل حد عمل علامة في الأزياء 
محمد الله يرحمه كان قدوتي وقدوة لكل شباب كتير طلعت بعد كدا ، بحب زهير مراد وايلي صعب ، بحب كل حد عمل بصمة بصناعة الأزياء

ماذا  تعني لك في حياتك ؟
الأسرة ..أهم حاجة في الدنيا والاولاد

هل الزواج والاسرة كانوا عائق في تحقيق أحلامك ؟
عمرو تصميم الأزياء ما خلاني أثر على أسرتي الحمدلله أسرتي كويسة وناجحة ، مش لازم حاجة تأثر على حاجة لأنه أهم حاجة النشئ اللي  ربنا أكرمني بيهم


ما هو أكثر قرار ندمتي عليه وتتمني ان يرجع الزمن حتى تغيريه ؟ 
مافيش أي قرار ندمت علي لأني ما باخذ قرار إلا لما كون متأكدة منه ، حتى لو طلع غلط كفاية اتعلمت منه ، أنا ما بحب الندم ومش اتجاهي أني اندم على حاجة ، كل حاجة بتمر في حياة الإنسان بيتعلم منها حاجة ، الحمدلله عمري ما ندمت على حاجة

تخيلي انك ركبتي آلة الزمن ممكن تسافري لاي زمن ؟ 
سؤال كبير جدا ، 
لو أنا ارجع لزمن فات ، حرجع لزمن الرسول عليه الصلاة والسلام دا أحسن زمن في كل الأزمان هو الي ممكن يشدني أن اكون عايشة فيه

وجهي رسالة لمن ظلمك دون ذكر اسماء ؟ 
رسالة لمن ظلمني ربنا يسامحك ، أنا ما بشيل جوايا أي حاجة 
بنام بليل ومش فاكرة حاجة حصلت ، وإللي فات مات وإللي جاي بإيد ربنا وأنا مؤمنة جدا ، فأي حد ظلمني ربنا يسامحه

سعيدة جدا بإسئلتك لإنها جديدة وغير تقليدية ودي حاجة لطيفة جدا وأول مرة أواجه أسئلة غير تقليدية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: