سر الطبخةعام

تشيز كيك من مطبخ انجي وليد

تشيز كيك من مطبخ انجي وليد

مقدمة من / انجي وليد

وقت التحضير / 20 دقيقة
المقادير :
عبوة صغيره جبنه بريزيدن كريمي بالقشطه

عبوة نص لتر كريمه لباني

معلقتين سكر بودره

باكيت جيلي فراوله .. ندوبه في نص كوب ماء مغلي

٣ باكيت بسكوت ساده

معلقتين زبده سايحه

معلقة كبيره سكر خشن

٤ معالق كريمه شانتيه بودره

الطريقة :

– في الكبه افرمي البسكوت وضيفي له معلقتين الزبده . والسكر . و افردي البسكوت ده في صنيه بقاعده متحركه . 
ودخليها التلاجه . لغاية ما تجهزي طبقة التشيز كيك
لتجهيز طبقة التشيز كيك :
– في وعاء نضع الجبنه الكريمي والسكر ونخفقهم جيدا 
– نضيف جيلي الفراوله السابق تجهيزه . ونخفق مرة اخري 
– نضيف الكريمه اللباني وممكن نستبدلها بعبوتين قشطه او زبادي 
– نخفق المكونات تاني بس مش كتير عشان الكريمه متفصلش . واخر حاجه نضيف الكريم شانتيه البودره . ونخفق المكونات مرة تانيه لغاية ما يتقل القوام . 
– نضع طبقة التشيز دي علي طبقة البسكوت السابق تجهيزها
– نفرد طبقة التشيز كيك ونساويها كويس 
كده التشيز كيك . جاهز لدخول الفريزر . من ٥ الي ٦ ساعات 
وكل ما طالت فترة وجوده بالتلاجه كان افضل 
……… 

تجهيز صوص الفراوله 

عباره عن نص كيلو فراوله هنقطعها . ونحطها علي النار في طاسه مع نص كوب سكر 
نسيبهم يغلوا .. ثم نهدي النار حبه . عشان تستوي الفراوله كويس . 
ممكن نضيف معلقة جيلي بوده . وحبة ميه . 
بيدي نكهه حلوة للصوص 
بعد ما تستوي الفراوله كويس 
هنصفيها بمصفي . ناخد الصوص النازل منها . والبقايا حطوها في ساندويتش جميل 
او احشوا بيه معجنات 
لما يتماسك التشيز كيك . نزينه بصوص الفراوله 
ونزين بفراوله 
او بكررز 
ونسيت اقولكم . الكميه دي عملت قالب حلو من التشيز كيك . والباقي حطيته في كاسات زي ما هتشوفوا في الصور


و الف هنا على قلوبكم يارب 
مدير مطبخ سحر الحياة / نيفين منصور

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق
%d مدونون معجبون بهذه: