شعر وحكاياتعام

انا الاراجوز


بقلم محمد الغازي
انا الأراجوز انا الأراجوز
ع الحبل عمال بتنطط و كمان ع الحيط
ساعات ببقى جن و ساعات كتير حاوي
و ممكن تلقاني عفريت مخاوي
و فكل حكاية تلقالي خيط
**********
انا الأراجوز انا الأراجوز
اسرق الكحل من العين و أكلك ف عبي لو كنت مين
مرة بشاكس و مرة بعاكس
و كتير تلقاني للدنيا فاكس
و بالحداقة أمشي حالي ف دقيقتين
**********
انا الأراجوز انا الأراجوز
ما يملاش عيني غير التراب
ماسك خيوط حواسي الخمسة
أظبط فيها و أحلي فيها و ان جت عليا ف يوم أجاريها
و مرة واحدة أقلبها خراب
**********
انا الأراجوز انا الأراجوز
مربوط زي الماريونيت ممسوك من فوق و من تحت
يشدوا فيا يرقصوني
و أرقصهم انا لو يوم لعبوني
و أهه كله نازل ف التاني فحت
مدير قسم الأدب والشعر

علا السنجري


مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock