عاممقالات

.فوق من وهمك شعر شريف الهمامى

قصيدة …فوق من وهمك

وحيد ف ليل الغربه ياغريب

بتتعكز ع وجعك

سالك دروبك ف السراديب

بتمسح دموع تعبك

لساك فاكر انك مفطوم من الوجع

دا انت يدوب لسه بترضع

فوق من وهمك

دا الوجع له علامات

كيف الوشم مدقوق

مافيش بينك وبينه مسافات

يدوب فرده كعب

كما القدر منتظرك

تفرد رجليك من الوجع

تلاقيه بينخز ف قلبك

الل اتسلسل بقيود الحزن

لساك عايز تفرح

عايز ترقص وتغنى

ماانتاش اخرس ولا جبان

كل الفكره عمرك الل اتهان

افرد رجلك اكتر

يمكن قلبك يطرح

ف نفس المطرح

وشوف نفسك

انت صاحى ولا بتحلم

وفوق من وهمك

#شعر شريف الهمامى

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock