بقلم/ريهام مصطفى
رسائل مهمة
فى كل يوم بيعدى عليك رسالة بيبعتهالك ربنا ، ومهمتك فهم الرسايل دى وترجمتها لأنها نعمة ربنا أنعم عليك بيها علشان يريحك ويطمنك، ساعات تزعل من حاجات كتير بتحصل فى حياتك بس الحقيقة إللى ربنا مخبيها بتكون أحلى بكتير ، هتلاقى نفسك بتعيش فى حزن كبير ملوش لازمة لأنك ببساطةمحاولتش تفهم إنها مجموعة رسايل متتابعة بعتهالك ربنا علشان تفوق من غفلة كبيرة ، ومع كل رسالة من دول بتوصلك بتكتشف حاجات مكنتش تعرفها عن نفسك ،وكل يوم قوتك الإيمانية بتزيد وقربك من ربنا بيعلمك حاجات أكتر وأكتر ، وكل ما تزيد قوة إيمانك يزيد إحساسك بالآمان والرضا وتزيد قدرتك على تحمل الحياة وصعوباتها، هى روابط كلها متعلقة بقدرتك على فهم رسايل ربنا ليك وتقديرك لأعظم نعمة بيقدمهالك.
