شعر وحكاياتعام

يا مجرمين ارحموا

بقلم /(شرين سعد أحمد)
 شاعرة جنوب الوادي 

 يا مجرمين ارحموا 
وبطلوا إجرام
ايه ذنبهم انطقوا
وفهموني قوام 
اما الملايكة دول
يتقتلوا غدر حرام
،،،،،،،،،،،،،،،،،،،
من حضن ابوهم وامهم
فجأة اختفوا يا ناس
كانوا هنا جنبهم
وف لحظة راحوا خلاص
،،،،،،،،،،،،،،،،
يامين يلاقي ولادي
 وياخد عنيا بديل 
دول هم زوادي
والعمر أصبح عليل
،،،،،،،،،،،،،،
لو بس تجيبوهم 
وفحضني اخدهم
واوعوا تغطوهم
دا القلب رايدهم
،،،،،،،،،،
يارب طالبة العدل 
ينفذ على القاتلين
هم استحلوا القتل
يا ارحم الراحمين
،،،،،،،،،،،،،،،،،
ميت سلسبيل تبكي
على ولادي اليوم
والكل بقى يحكي
على أب بات مكلوم
،،،،،،،،،،،،،،،،،،
هفضل انادي وانوح
ولحد يوم الاجل 
اخدوا حشاشة الروح
طب يبقي ايه العمل
،،،،،،،،،،،،
امانة تغتوني
وتوصلوا  صوتي
بس اوعوا تنسوني
ولا تطلبوا سكوتي


  23/8/2018

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: