شعر وحكاياتعام

كنت صاحبى


كنت صاحبى


بقلم / ريهام مصطفى

صعبان عليك أفوق من الوجع 
صعبان عليك موقف جدع 
يالى كنت صاحبى إيه جرالك 
الدنيا غيرتك ولا أخدت قرارك
هاتسلمنى للوجع بإيديك 
صغرت وهنت عليك 
ملتنى هم كبير فاق كل المحتمل ..
…..
فاكر لما كنت أدارى 
عنك عيون الناس 
طب فاكر لما شيلت 
من قلبك أسوء إحساس..
فاكر لما إيدى طبطبت
وعيونى دمعت تقول 
لكل البشر مهموم عشانه
ده نصى التانى ولو كان بإيدى 
كنت أقاسمه الوجع
وأشيل عنه أحزانه
وأخفى من عينيه
لحظة الحرقة 
ولا يوم تصيبنا فرقة ..
….
بدلتنى ليه من صديق 
جنبك وقت الضيق 
لمحتاج وعابر سبيل 
هديت الجبل 
وقتلت الجدع 
مبقاش مكان للوجع.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: