حياة الفنانينعام

“الإعلامية داليا فرج “المخرج سامح عبد العزيز مش بس ابو ولادي وماسبيرو قُتل عمداً بيد بعض أبنائه الخونه

"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه





*سامح عبد العزيز مش بس أبو ولادي سامح صديق العمر

 *مذيعين ماسبيرو عندهم حس امني عالي فهمناه من الحياة والخبرة

 *ماسبيرو قتل عمدا بيد بعض ابنائه الخونه منهم

 *اهم حاجه قبل دخولي البرنامج بقعد مع الضيف اخفف عنه الرهبه

*محبش الصحافه تكتب عن حياتي الشخصية

حاورتها مها نور
إعلامية جميلة وجهها يملؤه النقاء الممزوج بالجمال الحزين يملئ قلبها وعقلها الحب والتسامح مع كل من يقترب منها وما يحدث لها وهى تسير في طريق الحياة ، بارعة في وضع يديها علي موضع الجرح ومواجهة الألم بتلقائية دون خوف او تناسي ، حاورتها مجلة سحر الحياة في محاولة منا للغوص في اروقة عقلها وقلبها إنها الإعلامية الجميلة عاشقة البنفسج داليا فرج.



*الإعلامية الجميلة داليا فرج حديثنا عن رحلة دخولك لمجال الإعلام ؟وهل كان حلم منذ الصغر ام جاء بالصدفة؟وكيف تحقق؟



*قصة دخولي التليفزيون من وأنا طفلة صغيره كنت بلعب مع اخويا الصغير كنت أنا بسأل واجاوب ومكنتش عارفه أنا بعمل كده ليه وكان عندنا كاست كبير بسمعات ومايك بسجل فيه ،أنا كنت كمان بطلع من الأوئل ووالدتي كانت عايزاني ادخل طب زيها لكن أنا مكنتش بستحمل منظر الدم فشيلت الفكرة تماما من دماغي ولما كنت في تانيه ثانوي فكرت اني اطلع مرشدة سياحيه لأني كنت رحت في يوم المتحف وشوفت مرشدة فرنسية فعجبتني الفكرة وفكرت لو دخلت إعلام ساعتها هتخلى عن اللغه الفرنسيه بتاعتي  فققررت إني هكون مذيعة لكن مش هدخل إعلام وفعلا دخلت سياحه وفنادق قسم ارشاد وفي نفس الوقت لو قررت اشتغل مذيعه مش هيبقى في مشكله وابقى مسكت العصايه من النصف ، وقبل مااخلص السياحه والفنادق بسنه بابا وداني التليفزيون بحكم انه كان هناك في الهندسة الإذاعية دخلني برنامج هواه في البرنامج الاوربي للمذيعه “نفيسة البقلي” وكان المطلوب اننا نتكلم بالفرنساوي  ونعمل منتاج وساوند افكت عجبتني الفكره جدا واستهوتني وبعدها بسنه رحت ادربت في شركة سياحية لكن الموضوع معجبنيش وحسيت انه بهدله وحسيت ان مهنة المذيعه هي المهنه المناسبة لي وأول ما خلصت دراسة دخلت التليفزيون وطبعا بابا اللي ساعدني وجت الأستاذة ثناء منصور خلتنا نتدرب على كل حاجه عشان نقدر نستوعب يعني ايه برنامج وطبعا كنا بناخد محاضرات في الألقاء واللغة العربية والحوار لغاية ما بقيت مذيعه.



"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه







*هل قابلتك صعوبات ومحاذير في مسيرتك الاعلامية منعتك من طرح ارأئك امام الشاشة ؟









*بصي أنا مصادفنيش اني اتمنع من حاجه انها تتقال قدام الشاشه احنا كامذيعين في ماسبيرو عندهم حس امني عالي فهمناه من الحياة والخبرة وقعدتنا في التليفزيون فااحنا لوحدنا فاهمين إن في حاجه مينفعش اتكلم فيها في الوقت الحالي ممكن تثير بلبله او حاجه مينفعش اتطرق لها عشان مش مفروض اننا نتكلم فيها لا دينيا ولا اخلاقيا هي حاجه موجوده فينا كلنا لكن محدش منعنا ،انا كمان معملتش برامج سياسيه الا فتره الثوره ودي كانت ادق واكتر فتره كانت فبها حريه كامله كانت فترة المجلس العسكري كانوا بيطلعو شباب الثورة على التليفزيون المصري يشتموا عادي ومحدش كان بيجي جنبهم ولا كان بيترفع علينا سماعه تليفون يقولولنا انتو بتعملو ايه لا انتو ازي سمحين لهم يقولو الكلام ده  لكن أيام الأخوان هي ده اللي كان فيها محاذير فظيعه كانوا بيقولو لنا متقولوش وكنا بننزل نعمل وقفات “لا لتكميم الأفواه” فاهي دي الفترة الوحيده اللي اتعمل فيها علينا محاذير



"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه




*في فترة عملك في التلفزيون هل واجهتي حروب داخل الوسط جعلتك تفكري في البعد عن الوسط الإعلامي والأتجاه لمجال آخر؟ 






*انا بشتغل مذيعه عشان أنا حابه المهنه مش عشان أنا بحب الشهره أنا مبحبش الشهره خالص ولو حد وقفني وقالي أنا شوفت حضرتك فين اتكسف واقعد اقول له  يمكن كنا في الكليه سوا او النادي وابعد خالص عن قصة المذيعة أنا مبحبش حد يشاور عليا أنا بشتغل مذيعه لأني بحب الحوار وبعشق الكاميرا لأنها الوحيده اللي ممكن تخرجني من اي مود ممكن أكون فيه  فابالتالي أنا بشتغل عشان بحب شغلي مش عشان يكون في حروب حتي العلاقات بعيدة خالص عنها ،أنا مبعرفش اعمل علاقات مع الناس بخاف يبقى عندي ناس جداد تدخل حياتي لكن اكيد ليا اصحاب لكن مبحبش حد يتدخل في حياتي اوي





*ما الذي يشغل الإعلامية الشابة داليا فرج علي الساحة الإعلامية وتتمني أن يتغير؟ 






*يشغلني وضع ماسبيرو بما اني بنت من ابناء ماسبيرو بعشق هذا المبنى وبعشق هذه الريادة بس انا كل اللي شايفاه انه قتل عمدا بيد بعض ابنائه الخونه منهم اكيد كان في ناس جوا ماسبيرو استغلت وضعها انها تضع للقنوات الاخرى القاعدة بتاعها وخدت البساط كله من تحت ماسبيرو مع سبق الإصرار والترصد لان طبعاً الفنوات الخاصة ماهي الا قنوات عندما تعمل تعمل لغرض سياسي او اقتصادي يخدم الغرض السياسي فابالتالي كله بالنسبة لي اجندة سياسية مش بقول العاملين فيها المذيعين والناس دي ممكن بكون بيستغلو بسبب حبهم للشهره ، لكن ماسبيرو هو الحياد والمصداقيه هو المبنى الذي ربى  كل من يعمل خارجه فابالتالي عندما سحب البساط منه المبني حالياً وبعض ابنائة الشرفاء يحاولوا بقدر الإمكان انهم يوقفوه او يعطوه امبوبة اكسجين لغاية لما تيجي حاجه من عند ربنا  ويقف تاني على رجله وشايفه ان القيادة السياسية مفترض انها تعمل ده بدل ما تقف جنب قنوات جديده وتعملها المفروض ان المبنى ده يوضع تحت الرقابة الادارية ويتشاف الفساد اللي كان موجود فيه واذا كان لسه موجود يزال من جذوره والمبنى يعاد مرة تانيه بنائه وتعاد له الحياة مره تانيه وده مش هيتحقق إلا بالقيادة السياسية والإيمان ان الإعلام سلاح ذو حدين وإن الإعلام القومي هو الإعلام الشريف وايمانهم بالمواهب الموجوده بماسبيرو ولكن بفكر جديد وتزال كل اللوايح الموجوده والتي تساوي بالنسبة لي البيروقراطية الصماء وتوضع لوائح جديده او لا توضع لان المفترض ان هذا المبني فن والفن لا يخضع لقوانين على الاقل يوضع نظام ينظم سير العملية الإعلامية ويكون في مجال كبير للإبتكار والإبداع والحريه و لا نعتمد على الوجوه اللي الناس لفظتها وبانت على حقيقته دي القضيه التي تثيري لان حرام الي مالاا نهايه المبنى يقتل وبتساب بالشكل ده بردو





"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه




*الإعلامية الجميلة داليا فرج دايما تشاركي متابعينك بكتاباتك واحاسيسك على موقع التوصل ، هل هذا التفاعل يعتبر مؤشر لما تقدميه ؟



*تفاعلي على الصفحة تفاعل داليا الإنسانه بحاول افرح ضيوف برنامجي اكتر من اني اعمل شهره انا لما بيجيلي ضيف بكون مبسوطه بيه ولما بيكون فعلا حد يستاهل الفخر بكون فخورة به فابحب اني اشارك الناس معايا واديهم نموذج يحتذي به في الحياة اما احاسيسي والأغاني اللي بشيرها دي كلها داليا الإنسانه ليست خاضعه خالص لداليا المذيعه
*إذا عرض عليكي منصب وزيرة اي وزارة تتمني ان تقوديها وما هو اول قرار سوف تتخذيه؟ 
*لو عرض عليا منصب وزيره مش هقبله طبعا لاني مبحبش الروتين ولا المناصب مبفكرش ابداً بصراحه اخد حاجه مبحبهاش
"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه

*ياتري لكِ طقوس معينة قبل دخول اي برنامج؟ 
*اهم حاجه قبل دخولي البرنامج اني بقعد مع الضيف اخفف عنه الرهبه مبحبش اتكلم خالص في موضوع الحلقه عشان الضيف لما يتسأل الأسئلة يبقى أول مرة يقولها لأن دائماً اول شئ بتبقى منتهى الصدق والأحساس ممكن مثلا اعرض مجرى الحوار هيكون ازاي لكن بدون تفاصيل وطبعاً لازم اخد البيانات الخاصة منه هو شخصياً وحابب يتقدم ازاي لكن قبل الهواء مفيش حاجه محددة لازم اقولها غير بسم الله الرحمن الرحيم
*هل تقبلي ان تكتب الصحافة عن حياتك الشخصيه ام هي خط أحمر ؟
*لا محبش الصحافه تكتب عن حياتي الشخصية لكن للأسف اضطريت اني أكون في ده غصب عني لظروف معينه حصلت لكن أنا كاداليا مكنتش احب ان ده يحصل في يوم من الأيام بس نظراً لأني كنت متزوجه من المخرج المشهور “سامح عبد العزيز” ونظرا ان حصل حاجه في حياتنا اتكتبت في الصحف عشان سامح مش عشان داليا
"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه

*من أكثر شخص دعمك وساندك في حياتك الشخصية والمهنية ؟ 
*بابا وماما واخواتي اكتر ناس دعموني في حياتي الشخصيه وطبعا صحاب العمر اللي اتعرفت عليهم في الفضائيه اللي وقفو معايا واصحاب المدرسه الأصدقاء هما اكتر ناس وقفو جنبي في اي حاجه إنسانية اتعرضت لها والمهنيه بابا طبعا لانه هو السبب في دخولي التليفزيون وفي بداية حياتي العمليه كان في حجات كتير مش عرفاها فاابتدى هو يقولهالي وماما كانت صاحبة افكار كتير مثلا لما كنت ابقى عايزه اعمل فكره  ومش عارفه اعمل ايه كانت بتفكر معايا وطبعا استاذة ثناء منصور كانت الشخصية اللي اتعلمت منها كتير

إقرأ أيضا
وفاء سالم” لمجلة سحر الحياة ندمت كثيراً وحياتي الشخصية خط أحمر

"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه

*داليا فرج الإنسانة بعيدا عن الإعلامية كيف تقضي وقتها ؟
*بركب خيل وبحب السباحه والموسيقي حاولت اتعلم عود لكن مكملتش لكن اذني موسيقيه بحب اسمع الشرقي القديم بحب ولادي يكونو حواليا واصحابي القدام حياتي تعتبر ماكوك عشان ولادي لاني طبعا قايمه بكل الأدوار ليهم
*دائما وراء كل رجل عظيم امرأة ووراء كل امراة رجل متفاهم هل تؤمني بهاتان المقولتان؟
*الموقولتين مؤمنه بيهم محدش بينجح الا إذا كان في دعم من الإنسان الآخر اللي مرتبط بيه انه يوفر له المود والحياة انه ينجح
*ماذا ترك المخرج الكبير سامح عبد العزيز للإعلامية داليا فرج؟ 
*سامح ساب لي حبيبه ودليلة وجميلة احلى حاجه في حياتي
"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه

*فكرتي تخوضي تجربة التمثيل بعد زواجك من المخرج الكبير سامح عبد العزيز “؟ 
*لا طبعا سامح مكنش هيسمح لي اني اخوض تجربة التمثيل اتعرض عليا كتير لكن أنا بتكسف أنا لما بيتعمل معايا لقاء بعيد عن شغلي ببقى اقل من اي وحده عاديه مكسوفه الكاميره هي بالنسبة لي شغلي لكن غير كده انسانه خجوله بتتكسف جداً
*انت جميلة لما لم تفكري بالزواج بعد لانفصال من المخرج سامح عبد العزيز ؟
*موضوع الزواج مش بعيد اكيد فكرت لكن أنا ليا مواصفات صعبه بالإضافه ان عندي ظروف محددة لازم الشخص الآخر يقبلها ولي موصفات مقدرش اتجوز واحد متجوز او يكون اصغر مني ومتجوزش قبل كده ليا تركيبه حاسه انها مش موجوده غير في خيالي  كمان عشان تخدي الخطوة دي مره تانية بيبقى ليها رهبه ومبتكونش خطوه سهله لازم يكون انسان يعوضني ويحبني جداً حجات كتير مع بعض عارفه فارس الأحلام بتاع البنات الصغننه مش عارفه الاقيه بصراحة
"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه

*هل يوجد مكان لكلمة الندم في حياتك؟وما اكثر شئ ندمتي عليه؟ 
*الندم مش موجود في حياتي خالص واي حاجه حصلتلي حتى لو فشل او تجربه وجعتني اوحاجه اثرت فيا مبندمش عليها ابداً بحس اني اتعلمت منها حاجه  وبفتكر ايامها الحلوه اي تجربه بنمر بيها حتى لو فيها وجع اكيد كان فيها ايام  حلوه كانت ساعتها حلوه فاهو ربنا ارد لك إنك تسعدي ولو لفتره معينه بشكل محدد فالحمد لله عمري ماندمت على حاجه ولو رجع بيا الزمن اعتقد اني هختار نفس الإختيارات
*هل الزواج والامومة كانوا عائقا في تحقيق احلام داليا فرج ؟ 
*أنا مش من الشخصيات اللي احلامها كبيرة مش عايزه ابقى البنت النجمة المشهوره والناس تشاور عليها فابالتالي لا خالص الجواز والأمومه موجودين عملتهم ومضغطوش على حاجه تانيه بالعكس أنا بعد اربعين يوم من الولادة نزلت شغلي ولغايه الثامن مدام مكنش باين عليا الحمل كنت بنزل شغلي أنا شخصيه متعرفش تعيش من غير شغل لكن مبحبش الشغل الروتيني
"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه

*ماذا يمثل الرجل في حياة الإعلاميه داليا فرج؟ 
*الرجل مهم في حياة اي ست لكن أنا شخصيه قويه مسؤله معتمده على نفسي فالراجل مبيمثلش لي غير جزئية الحب والأحتواء انه يبقى الشخص اللي بيحبني ويحتويني أنا مبحبش النكد ومبحبش الرجل النكدي بحب الحياة تبقى مفرفشه ولطيفه ونخرج ونتفسح الست اللي تقولك الراجل مش مهم لا مهم حتى لوهو اهميته بالنسبه لك تختلف عن اهمية وحده تانيه بس هو مهم بالنسبة لي زي ماقولت هو حب واحتواء وسند يعني يوم ما تبقى واقعه تخسي ان في ظهر  تتسندي عليه ولكن لو السند ده مش موجود مش هقع أنا مش الست دي
*بناتك بيمثلوا ايه في حياتك؟ 
*بناتي كل حياتي بمعنى الكلمه ضحكة عنيهم بالدنيا ممكن اعمل اي حاجه في الدنيا عشان يفضلو مبسوطين ومش طالبه منهم حاجه في غير انهم يكونو مقدرين اني بعمل عشانهم كده هما كل الدنيا بالنسبة لي
*ما هي موصفات العريس اللي ممكن توافقي انه يخطف قلب بناتك منك؟ 
*هطلع عينه مش عارفه هبقى حماة شكلي ايه كل الأخطاء اللي اتعرضت لها او شوفتها في حياتي هحاول اتلافاها في عريس بنتي أنا كان نفسي يكون عندي ولد وبتمني انهم يحبوني ويخافوا مني ودي معادله صعبه جدا لكن انا عندي القدرة عليها حتى مع اصحاب بناتي
"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه

*نفسك تشوفي احفادك؟ 
*أنا مش عايزه احفاد أنا قايله لكل وحده تجيب طفل واحد بس عشان تقدر تعيش في الدنيا دي ربنا يكرمهم هما عشان يحسو انهم امهات ويحققوا رغبة الأمومه عندهم
*وقت الحزن والألم بتسمحي لمين يقرب ويشوف دموعك ويمسحهالكِ ؟ 
*دموعي قريبه جداـ أنا ممكن اعيط طول الوقت لوحدي بليل لكن قدام الناس قويه لكن عشان حد يشوف ضعفي ممكن تكون صحبتي الأنتيم وأنا اصاحبي القريبين قوي قليلين لكن حبايبي  لكن لو الموقف مش مستدعي اني احكي بخليه مع نفسي مش بحب حد يشوفني كده
"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه

*تخيلي أنكِ ركبتي ألة الزمن لعصر من عصور الماضي من هي الشخصيه التي تحبي أن تحتل روحها جسدك؟ وباي زمن تشدي الرحال؟
*العصر الفرعوني كل الناس بتقول اني فرعونية الملامح وأنا عندي احساس بتناثق الارواح ان الروح دي كانت موجوده في زمن ما وعاشت الفعل في زمن ما فاأنا عندي يقين اني كنت أميرة فرعونية وجيت غلط الزمن ده ولو كنت هبقى ملكه كنت هبقى نيفرتيتي او حتشبسوت
*من هو الشخص الذي تحبي أن تهدي إليه نجاحك ؟ 
*ولادي بهديهم اي نجاح في حياتي ويارب يتعلمو منه اي حاجه نفسي يتعلمو المسؤليه الأخلاق المبادئ الخير الوفاء الشخصية القويه

"داليا فرج *المخرج سامح عبد العزيز مش بس ابو ولادي وماسبيرو قتل عمداً بيد بعض أبنائه الخونه

*آخر سؤال هيكون إجابة وبس ممكن تقولي الإجابة ومش هنسأل السؤال؟

*سامح عبد العزيز مش بس ابو ولادي سامح صديق العمر سامح الاخ والسند الراجل الجدع سامح اي حد بيقرب منه هيقول كده سامح اطيب وأكرم مخلوق ممكن تشوفيه على وجه الأرض كنت كاتبه في بوست ان مش شرط اتنين انفصلو يبقى لازم يمسكو في خناق بعض والناس بتعتقد ان لما يقفو جنب بعض يبقى هيرجعو لبعض طبعا كل شئ بإيد ربنا محدش عارف النصيب فين مش شرط خالص بالعكس ممكن هي تتجوز وهو يتجوز لكن بيظل الأطفال بينهم ولادنا هما دمي ودمو اختلطوا وكونوا طفل يعني مش مفترض ابداً العلاقه تكون وحشه طبعاً اللي هو فيه دلوقت مفيش حد مقهور عليه زي أمه وبوه وأخته وأنا نفس القهرة لانه ابو بناتي وقهره بناتي هي نفسها قهرته فايارب يفك كربو ويرجع لحضن ولادو ويرجع بضحكته الحلوه ودمه الخفيف الشربات واعماله الحلوه اللي هتفضل لكل الناس طول العمر في تاريخ السينما سامح الشخص اللي بيقدم واقعيه محترمه من غير فجور واسفاف وقلة أدب هو بجد مش بس إنسان كويس هو كمان أب بجد حنون نقطة ضعفه اولاده بيحبهم بشكل وهمي وفي نفس الوقت إنسان وصديق مينفعش يتعوض ،وطول عمرنا لغاية لما نموت لازم الناس تفهم ان أنا وسامح هنفضل سند لبعض طول الحياة وأنا عارفه إن أنا لو حصلي اي موقف في حياتي سامح هيكون واقف في ضهري سامح كان مقهور لما معرفش ياخد العزاء في والدي لانه مكنش موجود أنا عايزه اقول إن العلاقه بيني وبين سامح طول البنات ماهما موجودين وحتى لو مش موجودين فيها حجات حلوه طول الوقت احنا علاقتنا قايمه على الإحترام والصداقه قبل مايكون بينا حب وده كتبته في بوستات كتير لما كان في حد يسأل هترجعو ولا لا كنت بحاول افهم ان اللي بيني وبينه اقوى من الكلام الفارغ ده أنا بتمنى من كل حد بيحبه يدعيله وإن الفتره اللي جايه تبقى قصيرة وتعدي بسرعه ويرجع لبناته يارب .

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock