بقلم/عبدالواحد أحمد
الحكايه قصه فشلت
بين حبايب مش حبايب
والفراق دون سطورها
ف كرسات م العشق دابت
رجعو والدموع ف عينهم
وكل واحد
م الجراح واخدله نايب
يرمى لومه ع إللى حبه
يجرحه ويلعن زمانه
يوصفه بداء الخيانه
و يقوله كان ف حبه خايب
دب ما بينهم بشاعه
صبحو غربه مش قرايب
م البدايه القصه فاشله
وكان ثمار الحزن طايب
حصدو شوك وجراح وفرقه
ارض مالحه ونبت هالك
والأحبه مش احبه
والفراق ف طريقه سالك
والقلوب والحزن سكنه
فالوريد الهم ثابت
م البدايه هيه غلطه
كان انانى وهيه اكتر
والفراق عمال بيكبر
طماعين ف العواطف
اهملو ف شجر الموده
والنتيجة الزرعه دبلت
والزهور م البعد ماتت
والمرارة كسات عطشهم
والسواد فالظهر حالك
باتو والدموع رفيقه
والسعادة قفله بابها
والأحلام منهم بريئه
عادو لدرس الحساب
بس در س الحب صعب
والنتيجة كان رسوبهم
الامتحان أصعب ما فيه
الانانى ف الحب هالك
والوداع آخر الحكايه
م الخيانه بتبقى طبع
