شعر وحكاياتعام

بقيت

بقيت

بقلم
سناء عبد الوهاب


بقيت بحضن سكاتي كلام

بقيت بستغرب الفرحة

عشان بتدق قلبي ملام

وبرسم حلم علي كفي

وتلمس ايدي يداري

بخاف الكف يفضحني

وبغزل شوقي برسالة
حروفها نبضة من قلبي

وخوفها جمعه شريان

حياة معانداني

مش هادية

بسلم عاللي مات فيا والم

من الحنين اشواق

وبشحت رحمة منسية

واقدم ضعفي للعشاق

واداري همس بيصبر

ضلوع بتشبك المسافات

ايديها اتحولت لحصار

 يجرح بس مايموتش

ويملي كاسات عتاب منهم

بتتشعبط في اخر الحلم

بتتعكز علي دقة

واقفة بين صفوف قلبي

بتترجاني افوق من وهم

 وغيبوبة آخرها الموت

وكلما تشفي مني جروح

 الاقي جروح بعلو الصوت

بتنده انت لسه حبيس

فردت حضني من الشباك

 لقيت طيفكم بيحضني

بكيت والدمعة كانت دم

في عز الهم ماسترني

وكفني جوة عينكم وعد

 رماني لآخر السكة

وغسلتوني بدموعكم

 ورشيتوا الدموع فكة

مدير قسم الأدب و الشعر
علا السنجري

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock