شعر وحكاياتعام

عالهامش

عالهامش

بقلم
        سناء عبد الوهاب


مش هنساكم 

لكن علي هامش أحلامي

بطلت اكتب بالجاف احباب

وبقيت بتغرب وبسافر 

علشان أداري في ضعف عتاب

كداب من خبط علي بابي

 ولقاني قفلت في وشه الباب 

مهموم وبقيت بكتب برصاص 

كل اللي فاتوني في اوجاعي 

كانوا اقرب ناس

كل اللي أتبسم في الغربة 

كان ضلع وناقص أوزانه 

أختل الشعر علي ميزانه

مبقاش معتاد 

وبقيت بستغرب من الفرحة

 لو تناديني

بطلت اكتب من دمي حروف

 وتعيش ليهم

بطلت أواسيهم في جروحي

بطلت أختار اللمة عشان مش بتغير 

من الوحدة كتير

بطلت أستنزف في التفكير 

ضعف الأحلام ويا شموخها 

ودموعي دي صعبت علي روحها

لميت كام طرف قسم روحي 

حبيت اتكلم مع روحي 

ولقيتهم جوه الروح عايشين

سكنوني سنين 

وبقيت درويش وفي حب حبيبة 

ماحبتنيش

وبقيت النقص في أيامهم 

حرموني أعيش 

عالهامش

حلم أناجمدته 

حولته لصورة بتشبهني 

ورقة كربون بتخون جهلي

وفي وقت جروحي مانصفتنيش

وفتحت الشيش من جوه وريد 

كان بيصوني وملازم صمتي 

وتفكيري

ولقتني وحيد مع إني بكمل 

ناس غيري 

عالهامش 

وبقيت مش بهتم 

ولا حاجة تخليني أتأثر

لو مهما الوقت هيتأخر

عالهامش برضوا 

أنا هناديكم 

هغزلكم حكاية في وسط الليل

علشان مش بوصل لياليكم 

عالهامش 

قلب بيشبهني 

ولكنه بعيد عني بمسافات 

بيروح للروح من غير تفكير

ويسيبها ويبعد في الأزمات 

علي هامش قلبي 

خلاص هسكت 

علي عيني أكتبكم

 عالهامش

مدير قسم الأدب و الشعر
علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: