بقلم#جيهان عوض البنا
أما يكون عندك أم… عمرك ماتشيل للدنيا هم
أما يكون عندك أم… يعني عطاء من غير من
يعني مهما تقلت الشيلة
هتفضل الدنيا حلوة جميلة
ما هي بالأم زي الريشة
شايلة بدالك لأجل العيشة
وأما تضيق الدنيا شوية..
دعاها بيبعد أي أذية
أصل دي أم.حبها يجري زي الدم
دايبه في حبك وفي تفاصيلك
عاشقة لصوتك ولتراتيلك
نفسها تفرح ليك وعشانك
ماتكفيش الدنيا قصادك
أنت ضناها وأنت حبيبها
أنت الروح اللي ما بتسيبها
عندك أم??
أحمد ربك واشكر فضله
فضل الأم مافي شئ يعادله
