عاممقالات

همسة عتاب وحالة من السخط


بقلم المحاربة: عبير دراج
من امبارح مش عارفه انام ،، عندي حاله من السخط مش عارفه أوجهها لمين ولا مين ولا مين
القصه وما فيها أن مرضى السرطان اللي محتاجين عمليات زرع نخاع مش قادرين يعملوها ،، والسبب أيه بقى ؟؟؟؟؟؟ !!!!!!!!!
أن الأكياس المخصصه لفصل مكونات الدم مش موجوده في المستشفيات حاليا .. ليييييه بقى مش موجوده ؟؟؟؟؟؟ بسبب ازمة الدولار وعدم القدره على استيرادها .. وبفرض أن لو حتى المريض قدر يجيبها من الخارج ،، المركز اللي هيعمله زرع النخاع هيرفض أنه يستخدمها نظرا لدقة العمليه وتطلبها نوع معين من التعقيم
طيب المريض اللي محتاج زرع النخاع ومتأخر بسبب الأكياس دي يعمل أيه ؟؟؟ أقول أنا لحضراتكم بس لازم اوضحلكم الأول أن عملية زرع النخاع بتتطلب أن المريض يوصل لحاله من الشفاء التام .. يعني جسمه يكون خالي تماما من الخلايا السرطانيه ،، وحالة الشفاء التام دي المريض اللي لازمه زرع النخاع مش بيفضل فيها كتير ،، العمليه دي اساسا تُجرى للمريض اللي حصله ارتجاع سابق للمرض أو المريض المصاب بنوع سرطان من المعتاد أنه بيحصل فيه أرتجاع ( الأرتجاع يعني معاودة هجوم السرطان بعد الشفاء ) 
طيب المريض اللي وصل لحالة الشفاء بعد عدد ما من جرعات الكيماوي ،، وعدد ما من جلسات الاشعاع ،، يعمل ايه علشان مايحصلش الأرتجاع وهو في انتظار عملية زرع النخاع ؟؟؟؟ 
ياخد جرعات كيماوي تاني .. ااااااااه كيماوي تاني ،، الكلمه دي لوحدها وجع لوحده ،، ويفضل ياخد جرعات لحد ما تتوفر الأكياس 
أنا مش عارفه اعمل ايه ،، غير أني اتضامن مع المرضى ،، واطلب من كل واحد يقدر يوصل صوتنا لأي حد يساعدني ،، ده لو صوتنا بيتسمع اساسا في البلد دي
ونفسي كمان كل بني آدم كان بيقول والشعب ماله ومال ازمة الدولار يتبعها بضحكة سخريه كبيره ،،، يقوم يقف قدام المرايه ويكرر جملته تاني ويشوف هيقدر يتبعها بنفس الضحكه الساخره ولا هيقرف من نفسه ؟؟؟؟؟
#متضامنه_مع_مرضى_زرع_النخاع 
#أكياس_فصل_الدم_مش_رفاهيه
#تحيا_مصر مش كلمه ترددوها في مؤتمراتكم أو مؤامراتكم
ملحوظة : أنا حاطه صوره جميله وكلها أمل وتفاؤل ،، لإن دي الروح اللي جوه كل مريض من اصدقائي او غير أصدقائي اللي مستنين زرع النخاع

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock