حياة الفنانين

رانيا يس ” أحلامي كانت مؤجلة ودعم الوجوه الجديدة يسعدني

انا بشوف نفسي أم ناجحة وفنانة مجتهدة جدا

انا إنسانة عادية جدا بعمل كل الحاجات اللي كل ام في الحياة بتعملها

انا لسه محققتش أحلامي خالص

انا كأم موسوسة جدا في كل ما يخص أولادي صحتهم دراستهم أخلاقهم

يحزنني أن في ناس كتير تتحفظ لك لمجرد انك بنت فنان مشهور

اجرى الحوار صفاء  علي

الفنانةالجميلة رانيا محمود ياسين ابنة لعائلة فنية والدها الفنان القدير محمود ياسين الذي أثرنا بروائع من أهم اعماله وهي ابنه الفنانه الجميلة القديرة شهيرة وهي زوجة للفنان محمد رياض هي خريجة كلية الاداب قسم اللغة الانجليزية ولكن ميولها وموهبتها وتربيتها الفنية ألحقتها بعالم الفن وهي اليوم تفتح لنا أبواب وخبايا قلبها وتتحدث بكل حب وصراحة عن مشوارها واحلامها وآرائها

الجميلة رانيا ياسين من انت وكيف ترين نفسك ؟

أنا إنسانة عادية جدا بعمل كل الحاجات اللي كل أم في الحياة بتعملها بشتغل فنانة وبقوم بكل الحب والاهتمام بشغلي زي اي فنان بيحب شغله مبشوفش نفسي super ولكن بشعر اني قدرت أحقق المعادلة الصعبة بإني اهتم بأولادي واديهم وقتهم وده ان مكنش معظم وقتي كل خططي في الحياة كانت ليهم وشغلوني وقتا كبيرا جدا وده أثر علي مشواري الفني وده برضه لأني فضلت الاهتمام بيهم وتربيتهم اولا وعمري ماندمت ابدا لأني مقتنعه جدا بدور الأم في حياة ولادها ومؤمنو جدا ان الأم لما بتقوم بدورها كأم بيبان مردوده في تربية أولادها وعلاقتهم بيها وكمان اني اربيهم تربية صالحة وديه أولوياتي في الحياة اه اخدوا من وقتي ومجهودي ولكني مقتنعه كامل الاقتناع إني أقوم بدوري كأم خاصة أن طبيعة شغلي بقضي عددا كبيرا من الساعات فيه أحيانا تصل ١٨ ساعه لذلك قررت أني أديهم وقتهم فالفترة ديه وعمري ماكنت هقدر اهتم بشغلي اكتر لأن لو عملت كده كانوا هما صغيرين فبتالي كنت هكون مقصرة معاهم وخصوصا اني كاأم موسوسة، جدا في كل ما يخص اولادي صحتهم دراستهم أخلاقهم كل حاجه تخصهم الي الان بقوم بيها حتي وإن كانوا كبروا حتي أثناء التصوير بتابع واتواصل معاهم مش هقول علي نفسي super mum ولكن اقدر أقول اني بقوم بدوري تجاههم بصورة جيده واني نجحت في ده

هل حققتي شئ من أحلامك الفنية كما كنتي تتمنين؟

بعملي انا بشوف إني لسه محققتش أحلامي خالص لسه بدري عشان اقدر أقول إني حققت ولكن أيضا انا بشوف إن فكرة انك تحققي أحلامك في مهنتنا أعتقد انها مش بتبان إلا بعد سنين كتيرة يمكن كمان مبتتحققش لأن الفنان مش بيشبع خالص من الفن دايما بحس إني في حاجات لسه مقدمتهاش

كيف ترين نفسك من هذه التصنيفات نفسك

هل ١- امراة ناجحة
٢_ امرأة مؤثرة
٣_ امرأة مميزة ؟
انا بشوف نفسي أم ناجحة وفنانه مجتهدة جدا
قد أكون مؤثرة للآخرين كأم وقد أكون مؤثرة كفنانة ولكن في الحالتين أنا بشوف نفسي مجتهدة

حدثينا عن رانيا ياسين الزوجة ؟

أنا كزوجة بحاول أحقق لزوجي كل اللي هوه يخلينا أسرة ناجحة

وماهي العثرات التي قابلتك في حياتك وبماذا اثرت عليك ؟

عثرات كتير جدا أولها وأهمها ان في ناس كتير تتحفظلك لمجرد إنك بنت فنان كبير ده فالفن اما عن الإعلام قابلت عثرات كتير منها كان في ناس كتير بتستكتر عليا نجاحي لمجرد إإن في مصالح ممكن تتعمل علي حسابي تحت فكرة انك مش محتاجة نجومية وده طبعا للمصالح لأشخاص آخرين نرجع تاني العثرات اللي قابلتني فالفن الموضوع مش سهل خالص زي مابعض الناس متخيلين مثلا انا في فترات حملي ورعاية اولادي كنت مقلة في ظهورى وأعمالي وعند رجوعي كان بيُعتبر رجوع متأخر وان فاتني حاجات كتير وإن في ناس عدتني فالبالتالي يحطوني في مكان غير مكانتي وتقليل من فلوسي

ماهي الأحداث التي أثرت على شخصيتك وتسببت في ان تكوني أقوي او كانت سببا في نجاحك ؟

كل العثرات اللي قابلتني في مجال الإعلام والمهاجمات بسبب جرأتي التي كانت بتستفز بعض القنوات المعادية كانت بتخليني اقوى واجرئ واثبت نجاحي في هذا المجال

هل ظهورك كإعلامية مرة اخري اضاف لك ؟

 انا حققت نفسي في هذا المجال واكتفيت فيه بذلك

حدثينا عن أخبارك ؟وما جديدك على الساحة الفنية

انا كل تركيزي في الفترة ديه اني اعمل شغل مهم واني اشتغل اكتر وبوعدالناس إن شاء الله ان كل التأخير في السنوات اللي فاتت لأني كنت مركزة في بيتي بالإضافة للعثرات اللي قابلتني ولكن الفترة القادمة هيكون فيها تركيز اكتر وشغل مهم اكتر

ما هي الأعمال الاقرب لقلبك في مشوارك الفني ؟

مسلسل العصيان
زواج بدون إزعاج
قشر البندق
رياح الشرق
مسلسل الهروب مع الفنان كريم عبد العزيز
والمسرحيات نازلين المحبه الجاية
الأشجار تموت واقفه مع القديره والكبير ة الفنانة سميحة أيوب
وليلة الحنة وكانت من إخراج القديره سميحه أيوب
ويمكن انا أديت المسرح وقت كتير من وقتي وده من الحاجات اللي عطلتني  في وقت من الأوقات اللي كان فيها الدراما اللي شغالة اكتر وكثفه وكنت بضيع مسلسلات مهمة لارتباطي بالمسرح ولكن ميمنعش اني استمعت بالعمل في كل الأعمال المسرحية خصوصا إنها كانت ناجحة جدا
ومؤخرا طبعا نصيبي وقسمتك ودوري في الجزء التاني والتالت الحدودتين مايطلبه المستمعون ولحظه من فضلك انا بشوف انهم من الأعمال الفارقه بالنسبه لي ورجعتني تاني للناس وحققت حاجه كبيرة وحلوة اوى عند الناس الحمد لله

نود أن نعرف وجهة نظرك في دور المرأه في المجتمع وتأثيرها؟

نقدر نقول إن كل التجارب الموجودة الستات في المجتمع تجارب جيدو جدا تفاعلها أكثر من الأول دلوقتي المرأة وزيرو وقاضية حتي الأعمال التي لم تقم بها المرأه من قبل اصبحت تقوم بها الآن وأثبتت نجاحها
وطبعا المرأه ليها دور كبير وتواجد مهم ومؤثر طبعا مفيش شك ويمكن تكون أحيانا أكثر تأثيرا من الرجل ولكن طبعا دور الرجل مهم جدا ومؤثر ولكن دور المرأه أصعب خصوصا المرأو التي تحاول تحقيق نجاح في بيتها وشغلها بتكون المعادلو صعبة جدا

ماهي اكتر مرحلة عمرية من وجهة نظرك فيها تألق اكتر للمراءة؟

بالنسبه لي هي المرحلة اللي انا فيها دلوقتي لأني اشتغلت صغيرة جدا بعد الثانوية العامة وتزوجت وانا في الجامعة وأنجبت بعدها فأصبحت أحلامي مؤجلة بسبب الزواج والانجاب وبالرغم من نجاحي في أول أعمالي الا اني بشوف اني الفترة الحالية يحقق نجاح اكتر وده لأني مركزة ومهتمة اكتر طبعا

دعمك للوجوه الجديده ملحوظ ماذا تشعري وأنت بجوارهم تدعميهم ؟

أشكرك أنك ملاحظه حاجه زي كده أنا بعمل ده بمشاعري تجاه البنات اللي اشتغلوا معايا وشوفت اد ايه هما مجتهدين انا بكون مبسوطه لما بشوفهم

سلمى المصري “يهمني أن أقدم دورا يخدم المرأة لأنني دائما مناصرة لها

“عايدة كامل “كل عمل اشتركت فيه تركت بصمة ولا أعترف بما يقدم الآن ويطلق عليه فن

محمد يونس “دوري في استدعاء ولي عمرو مهم ومختلف وبناتي شريان حياتي

وفاء موصللي “كل فترة من حياتي الفنية كانت منعطفا جديدا ..

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: