متابعة إلهام غانم عيسى
كتبت الفنانة شكران مرتجى على صفحتها الشخصية الفيس بوك عبارات رائعة جدا حملت أوجاع وهموم الفنان
قصتي طويلة
بمعنى مابقدر انتخب بالنقابه ومالي نقابية لأسباب كتيرة مو مشكلة ومو موضوعنا
المهم الله يوفق كل اللي مرشحين لإنتخابات النقابه زملاء أعزاء أرجوكم :
كونوا قراب منا اسمعونا
لانصير نشوفكم بالمسلسلات ومانشوفكن بأوقات الشده انتبهوا ع كبارنا
نشوف أعضاء النقابه بعزا الفنان المعتر مو بس النجم كمان بهي خيار وفقوس
يزور الفنان بالمشفى ويطبطب مع أهله ويوقف معهم
ساعدوا الشباب الجداد يحققوا أحلامهم
ماتكون النقابه مركز جباية متل المي والكهربا
اجتماعات دورية تسمعوا هموم الفنانين
تحقيق فرص عمل إن وجدت
يكون في محامي للنقابه يوقف مع المظاليم والمظاليم كتار
جمع كل الفنانين برا وجوا هي نقابة الكل بلشوا من النقابه بوصل كل شي انقطع ونرجع إيد وحده
يكون في خط ساخن للشكاوي عندما تهدر الكرامات
وقفوا مع الفنان بالحق مو مع الجهة المنتجة مشان أنتوا تشتغلوا
بروتوكولات تعاون مظبوطة بين نقابات الفنانين بالدول العربية تحفظ كرامتنا وأكيد كرامتهم
كتار عم يموتوا قهر بس بحاجة لمين يسمعهم من الظلم وكلمة اشكر الله عم نشغلك وبياخد أجر كرمال بس يطعمي ولاده
اتركوا الفن يعمل اللي ماعملته السياسة
فادي صبيح بعرف إنك قدها يارب
وكل الحب للجميع
