شعر وحكايات

روحك خلاص عجزت

بقلمي سناء عبد الوهاب

أيه معنى كلمة شجن لو انت مش بتحس

حكم الظروف علي نبض قلبك بس

بتشوف

طقوس العزا وتقول دي زينة حب

ساذج يجوز لكن

قلبك بقى بيتهز

روحك خلاص عجزت من كتر ماهي شالت

الدنيا لو زالت يفضلك إيه منها

عاشق بيعزف غربتك معاناة

حب الكمنجا وشاف في قربك نغم

وماشفش إنك لغم هيدمروا فجأة

حبك وعلي سهوة اتغر بالضحكة

كانت بترسم له الحياة ألوان بلون الورد

حبك فعشق السرد كتبك علي الجدران

هتبصي في قصيدة منها الونس غيران

إزاي بتبقى في عز الوحدة كل الناس

وازاي في وسط الناس عايش وحيد حيران

أنتي اللي عينك راسمة ليا طريق

وأنتي اللي صوتك ليا باب للفرح

انشق ضلعي لما دمعتي

قلبي اللي كان مقفول بقي بيكي ينزف جرح

كنت العلاج للاكتئاب والحزن

كنت الشروع في القتل ببعادك

اخترتي ليه القرب لما انتي هتسيبي

شديتي قلبي وفجأة سيبتي الحبل

فغرقت وحدي وانتي اهو عايشة

بتلومي فيا عشان بحب بجهل

أنا كنت طفل بكل رد وفعل

ياللي أنتي أقرب من فصيلة الدم

شريان عشان اتقطع وصلك هيحيني

أنا عندي أموت من العطش

ولامرة تنسيني

درويش في حبك بطلب القربة

والغربة مش بس الغياب والأسى

الغربة روح سكنانا واحنا بعيد

واليوم تمد الإيد وبتنكرك دايما

مكتوب عليك تتنسي

سناء عبد الوهاب
سناء عبد الوهاب

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock