عبد العزيز موسى
…….
إكتب قصيدتك بالوجع
هتكون ونس ف قلب كل الموجوعين
وأكتب قصيدتك بالفرح
يملا الأمل
كل روح مشتاقه تفرح من سنين
واكتب قصيدتك بالوطن
يمكن يآمن
أن صوت الحلم يقدر
يبنى بيت للمحتاجين
وأكتب قصيدتك للغريب
راح يفتكر
آخر جواب سيباه حبيبته
ف حضنها دافى وحزين
..
هكتب عشان
الفجر يمسح فوق نواصى الليل
يطرح نهار
هكتب عشان المغرمه
اللى أتقتل جواها
إحساس لنتظار
هكتب عشان بكرة
اللى خايف وسط أحزان النهاردة
ياخد قرار
……
مدير قسم الأدب و الشعر
علا السنجري
