اتمني رضاك .
بقلم إيمان الحسيني
لية يا قلبي لما تفرح
عمر ما الفرحة بتكمل
لية تملي قاصدة جرحي
وميلحقش قلبي يفرح
هو مكتوب علية عمرى ما أفرح
لية يا دنيا مستكترة الفرحة عليا
نفسي يوم أنسي وأضحك
ضحكة من القلب تطلع
أبقي راضية ومطمنة
وعارفة ان اللي جاي بكرة أجمل
حمدة ربي وشاكرة فاضله
واتمني تكمل برضاه عليا
دة رضاك ياربي عندي أغلي
من كل كنوز الدنيا ديا
انت أعلم بيا عني وعارف إني
أضعف شئ في الدنيا ديا
لما تبقي عندي قوة بعرف
أنها من رضاك عليا
يارب تمم فرحتي
ديما برضاك عليا
