بقلم الخالة وداد
عاوزين نقول الناس الفتاية ايه بقي ياولاد ان ربنا سبحانه وتعالي لما حدد الاربع زوجات كان في زمن ومناسبة معينة
في الوقت الي الجاهلية فيه كان بتستبيح النساء بعدد لا نهائي ومكنوش بيحترموهم جه الاسلام حدد العدد اربعه ده احتراما وتقديرا للمراه
مش بس كده كمان الستات الي ازواجها كانوا بيموتوا في حروب الرده وليهم اولاد مين كان هيتجوزهم ولا هيتكفل بولادهم؟؟؟
فأباح للرجال الزواج مره تانيه للظروف دي
يعني ما ابحش الزواج كده اعتباطا ولا الشرع محللي اربعه
اتحل وسطك يابعيد ان شاء الله يالي بتاخد الدين علي هواك
يحابيبي الاصل زوجه واحده والتعدد ده في حالات اما بقي ارمله او مبيخلفش او مش سعيد او ظروف كتير صعبه
مش سلطه هي ولا سمك لبن تمر هندي
اما الستات الي بتطالب بالتعدد ياختي اتوكسي علي نفسك علي اساس انك مثاليه وملاك!!!
لما ربنا نفسه عارف انه مش هيعرف يعدل ولو اتشقلب انتي بقي الي هتساعديه!!
ده لو ادي التانية اكتر منك هتعلقيه
اعرف واحده جاتلي ف الاستشارات وسالتها ليه عاوزاه يتجوز غيرك وانت مكفياه كل حاجه قالتلي عشان عارفه مش هيعرف يعدل وابقي اشوفه كده وهو بيتشوي في نار جهنم!!!!!!
