رساله من امراه
دموع بلدي
بقلم : داليا طه
كل يوم نسمع شهيد ورا شهيد مات غدر وخيانه مات خسه من ناس لاقلب لهم اوعي حد يقولك وطنيه اوعى حد يقولك ده بينشروا الاسلام والحق بلاش نبايع ونزايد على وطنيه الشعب بلاش نطبل وخلاص ويروح رئيس ويجي رئيس لكن مصر فوق الكل مصر ذكرت في القران ادخلوها بسلام امنيين تزوج منها نبيين وعدوا علي ارضها انبياء مصر مكان مقدس من القدم مصر طول عمرها مطمع للغزاه من شرق للغرب كله طمعان فيها كله بيحاول ينهش فيها نفسه انه مصر ماتقومش واحنا بنساعدهم عارفين ليه علشان ملهيين في حاجات كتيره غير انكم تحسنوا من نفسكوا وتبنوا فيها اوعي تفتكر ان اللى بيطبل بيحب مصر ده هو ده اللى بيغش مصر ليه مش عارفين تقولوا على الصح صح والغلط غلط مش كله صح انت كده مش بتصلح بلدك انت بتوقع بيها بتعمل ايه وعملت ايه للبلد البلد مش عايزه افواه مفتوحه بالغش مصر محتاجه الصح تشجعوه وتقولوا فعلا حلو والوحش يتقال وحش علشان يتصلح غيروا الاعلام اللى شوه بلدى غيروا الافلام والمسلسلات اللى مابتكلمش غير عن النداله عن المخدرات عن الراقصات عن صراع مسيحي ومسلم كفايا بقي تشويه في بلدنا كام مسلسل وفيلم مشوهش في بلادنا مصر فيها نماذج جميله ستات فضليات رجاله جادعه اطغال كويسه بلدى بتبكي مش من الغرب بلدي بتبكى من ولادها اللى لغوا ا كل حاجه وحشه ومارهمش غير انهم يمسكوا الوحش ويعملوا دعايه عليه كان الاخ بيتخانق مع اخوه ماحدش كان بيسال هو اخوه ده مسيحي ولا مسلم كانت الصحبه تصوم وتاكل مع صحبتها ماحدش يعرف مين المسيحيه ومين المسلمه غير اما البنات يكبروا وتبدا تلبس الحجاب كانت كده تتعرف صديقه لي راحت تركيا واول ماراحت اتسرقت اول مارجليها خطت اتسرقت جت تعمل بلاغ طنشوها مع انها من السياح وقالت كميه مناظر مقززه وعلنى من دعاره ومثليين ومخدرات وسرقه وعلى عينك ياتاجر مافيش كسوف ولا احراج مافيش اذا ابتليتوا فاستتروا لا تشوف اعلاناتهم افلامهم مسلسلاتهم تحس انك لورحت يبقي اكيد حتروح الجنه عكس الواقع وعكس الناس اللى فرحانه برئيسهم المسلم وانه ازاى بيجاهد وصامد امام الاخطاء ومش عجبه الدول ومنها احنا طب روح صلح احوال بلادك وسيب احنا لبلادنا احنا العكس اما تروح في اى حته حتلاقي الخير فيها حنى لو في وحشين الحلو اللى فيها اكتر بس افلامنا ومسلسلاتنا بتشوهنا ادام العالم مسيحي ومسلم اتخانقوا زى اى مسلم بيتخانق مع مسلم وزى اى مسيحي بيتخانق مع مسيحي زيه الاعلام يولع وكان في تار وفي اقليه وكلام عمرنا ماسمعنا عنه ابدا لوصلحتوا نفسكوا الاول مصر حتنصلح حالها لو وقفتوا مهازل التلفزيون والمشوهين حنكون احسن بلد اللى بيحب دينه وبلده عمره ماياءذي وكفايا هدم في بلدى وكفايا دموع يااغلى بلد
رئيس قسم هو وهى : داليا طه
