كتبت آلاء طولان
جوا مني ألف بنت وألف بنت..
بنت تضحك..بنت تبكي..
بنت تحكي تقول تمام..
بنت تهرب م الكلام.
بنت تضعف فيك..
ف تقوي..
بنت تقوي بيك
ف تهوي..
بنت صايناك يوم ماتبعد
بنت شايلاك
روح بتسند.
بنت راحه واستراحه
وسط كون كله بيتعب..
بنت صادقه ف كون أناني..
عايشه تحلم بالاماني..
سارقه م الكون ضحكتين..
ضحكه صفرا ف وقت خوفها..
وضحكه تحكيلك كسوفها.
تجري منك تستخبي..
بنت تانيه ف شكل تاني..
راسمة ف الكون بالونات..
عروسه باربي وسندريلا.
جري لعب بكوم حاجات..
بنت طفله ساكنه شابة
يوم ماتضحك..
.تختفي كل الآهات.
بنت تالتة ف شكل أمك.
دعوة منها مستجابة ..
تهدي روحك كوم سعادة
وقت بس ترضي عنك..
خلي بالك منها دايما..
دي بنت واحده ب كوم بنات..
