أجمل إمرأة في العالم.
اعداد هويدا صابر
ماري آن بيڤان …
كانوا بيلقبوها ب ( أبشع إمرأة في العالم )
بس أنا متأكدة لما تسمعوا حكايتها هتشوفوها
( أجمل إمرأة في العالم ) ..
ماري أن بيڤان اتولدت سنة ١٨٧٤..
كانت شابة جميلة وبتشتغل ممرضة … وبعدها اتجوزت وأنجبت ٤ أطفال .. ولما بقت ٣٢ سنة ابتدت تظهر عليها آعراض مرض العملقة وتضخم الأطراف .. وده سبب ليها نمو غير طبيعي وتشوه ملامح الوجه .. وصداع مستمر وضعف حاد في البصر وآلام في المفاصل والعضلات …
.. وبعدها توفي زوجها ..
ومع مرضها الشديد بس كان لازم تصرف علي ولادها …
و بعد ما تراكمت عليها الديون الشديدة…
ومع إحباطها وإحتياجها المادي … اشتركت بمسابقة ( أبشع إمرأة في العالم ) .. وكسبت الجايزة ..
وبعدها أخدوها في السيرك عشان يلفوا بيها المدن في بريطانيا .. لأن الناس كانت بتتهافت إنها تشوف ( أبشع إمرأة في العالم ) ..
ومع ذلك فضلت تشتغل وتتحمل سخرية الناس بس قدرت تربي ولادها وتصرف عليهم وتعلمهم …
وبعدها نقلت مهنتها للولايات المتحدة الأمريكية وتوفت سنة ١٩٣٣….
ماري آن بيڤان لازم تحصل علي لقب ( أجمل إمرأة في العالم )
