بقلم جيهان عوض البنا
عارفة إني مقصرة”””””عارفة إني مش بعينك
وانتي ليا مقدرة””””””””وتدعي بربنا يعينك
اوعك تقولي اني ناسيه
وانك انتي اللي بتفكريني
كل لمسة،وكل بسمة…
لسه شيفاهم بعيني..
… كنتي تلبسي وتسرحي وتدلعيني
واما امشي ومرضاش آكل تزعقيلي
ولما أبكي تجري عليا وتراضيني
فاكرة ليلة الامتحان….
كنتي تسهري جنبي وتدعيلي
ولما اتعب انتي اللي بايدك تداويني
طب فاكرة لما تعبتي وأصريتي تواصلني..
شوفت في عينك نظرة… وكأنك بتودعيني
عمري ما انسي اللحظة دي كنتي فيها بتوجعيني
… ..
يا أمي أنا مش ناسيه… بس الزمن هو اللي لاهيني
..فاكرة فرحك…. فاكرة دمعك
فاكرة خوفك… فاكرة جرحك
فاكرة جمالك وملامحك
قبل ماالخطوط تزيد في وشك
كل خط بيحكي قصة….
قصة ايمانك وصبرك…
بدعي في كل فروضي
انك في حياتي تدومي
