2054208194886930964305459023536687124329124620425345324432245227212526005525430010231005910972575227800005423858567245242500231905922702611555

2/18/2018

رسالة أب لابنه


بقلم،/إسراء أحمد

ابنى حبيبى حبيبت اكتبلك وصيتى قبل ما أموت

وأدخل تربتى وتبقى الضلمة وحدتى

أسمعها من رجل عجوز عاش كتير وصاحب كتير

وعرف كتير من البشر.

أولا يا ابنى إياك تنسى فرض ربك وتقول منا بكره هكبر

الموت يا ولدى دايما على الأبواب فخليك دايما فى حما الإله.

أمك هى دى فرحة عمرك أمك زى ما سيدنا النبى قال أمك ثم أمك ثم أمك دى الدعوة منها كفاية بتفتح الأبواب وبتوسع الأرزاق وكمان الجنة عندها تحت الأقدام.

إياك تفكر إن الفلوس هيا اللى بتربى النفوس وتقول ده ابن ذوات هصاحبه عشان بفلوسه عمل نفوذه، والفقير ده غلبان 

ده الفقر ده يا ولدى عندهم هو الأصل زى الصحة تمام تاج على رؤوس الفقراء.

صاحب االصاحب إبن الأصول الجدع الاصيل وسيبك من الندل الخسيس واختار صاحبك بتأنى هو ده مرايتك ،ده الصاحب زى مصباح النور فى وسط الضلمة.

يا بنى خلى بالك من حياتك وحقق أحلامك وإياك تقول خلاص فات الآوان وبقيت شايب والناس هتقول علي ده شاب وعاب إياك وإياك تنام وتنسى إنك عندك أحلام منا كنت زيك تمام وفى وسط الزحمة تاهت منى الاحلام ومقدرتش ارجعلها كنت اتمنى يرجع بيا الزمن تانى واقدر احققها.

حب الخير ومد إيدك للغير ومتستناش غير دعوة تقعدلك فى علم الغيب.

إياك تقابل الشر بالشر قابله يا بنى بالخير والفرح مش يمكن ربك سببك عشان أنت تبقى القمر اللى بينور الليل وعتمته أو الشجرة اللى بتضلل من الشمس والمطر أو يمكن تكون طوق النجاة لكل غريق تايه فى سفينة الحياة.

حب عملك واتقن فيه هتلاقى ربك حبك وحبب خلقه فيك وبيديك وبيعطيك من غير حساب.

يوم ما تحب حب بدون خوف حب بدون تجريح حب بس اوعاك تقسى وتخون أو حتى فى يوم تغيب وترجع تعتب وتلوم.

الحياة يا بنى متاهة كبيرة ولو توهت فيها هتنسى نفسك وتروح فى سكة طويلة ملهاش رجوع ملهاش طريق نور هيبقى كله ضلمة وشوك.

يا بنى دى وصيتى ليك قبل ما افارق دنيتى أنا كبرت وبقا عندى 100سنة ودلوقتى جه دورك هنا.
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين