2054208194886930964305459023536687124329124620425345324432245227212526005525430010231005910972575227800005423858567245242500231905922702611555

11/26/2018

هي الحياة



 هي الحياة

بقلم شرين سعد أحمد
شاعرة جنوب الوادي
*************
هي الحياة من غير أمل 
طب تسوى إيه
خلي التفاؤل جوه قلبك
حتلاقيه
ربك كريم هو اللطيف
خلقك وسواك للحياة 
أوعاك تعيش عمرك ضعيف
ويكون غناك مليان بآه
حلوة الحياة وما فيش كلام
خطيها واحفر سكتك
توقع تقوم فورا قوام
عافر وثبت خطوتك
جايز تلاقي فيها مر
هيوجعك
وتلاقي بردو كمان حاجات
راح تحبطك
لكن جمالها مش خفي
فيها السعادة والفرح
ونورها عمره ما ينطفي
حتى لو القلب انجرح
قول للسنين يلا تعالي
عشان نعيش
دي الجنة دايما في العلالي
ما تتنسيش
شوف الطيور فوق غصنها
خد منها عبرة وأعتبر
رامية حمولها لربها
حتى لو جناحها انكسر
رزقك نصيبك 
مكتوبينلك والأجل
فبلاش تخاف خوفك 
يهدك بالعلل
ودي مش نصيحة 
ده قانون لازم يكون
قولها صريحة
بالأمل كله يهون
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين