عاممقالات

علي ضفاف النيل

يابنت يالل بتدعكى مواعينك

ع ضفاف النيل

هاتى معاكى بكره وحلم قريب

وجيل ورا جيل

يصون فيكى بكره

ومشوار لاالف ميل

يحلف يخبيكى بعيونه

ويقفل ع قلبك بضلوعه

بين الصبر والمراسيل

يابنت يالل بتدعكى مواعينك

ع ضفاف النيل

ماهوش دايما بيكون بعنيكى العتاب

ليه دايما بتفتحى شباك وتقفلى الف باب

خدينى ف تنيه توبك

احمينى من نار شوقك

ياصابره وشايله همومك

فوق احتمال الصبر والتساهيل

يابنت يالل بتدعكى مواعينك

ع ضفاف النيل

ياشارده وشرودك نار

ليلك منور دليل لاالف نهار

عشقك لا هو خطيئه ولاعار

عشقك حياه لاهو موت ولا انتحار

ياعشق موزون فاق كل التفاعيل

يابنت يالل بتدعكى مواعينك

ع ضفاف النيل

شعر …شريف الهمامى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: