شعر وحكاياتعام

طبع الحسن زايد فى جمالك

طبع الحسن زايد فى جمالك – ( غنائى )
ومدوبنى فى هواكى دوب

بسهر عينى على شباكك

محتاج نظره وبسمه يا دوب

ارخى شويه عليا شباكك

قلبى ضعيف وصبح معطوب

حنى يا بنت الناس ولينى

انا موصوفلى تكملى دينى

وانتى بتقلك وبألعيبك

خدتى النوم وطار من عينى

الف معاد ومعاد كان منك

تحلفى فيه انك هتجيلى

واستناكى واقبل عذرك

لما تغيينى او تنسينى

ليه تلوعينى وانا بهواكى

والشباك قبل الشياك

لما تعبت حاولت انساكى

لكن قلبى صبح فى شباك

ارخى شويه عليا شباكك

قلبى ضعيف وصبح معطوب

طبع الحسن زايد فى جمالك

ومدوبنى فى هواكى دوب

بقلم محمد البلاط

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock