سر الطبخة

طريقة عمل كنتاكي في المنزل

بطريقة شهية

مقدمة من.. الشيف سماح عطية

مدة التحضير ..ليلة كاملة
مدة الطهي ..20دقيقة

المقادير

فرخةوزن كيلو ونصف متقطعة 12قطعة
بصلة متوسطة مبشورة
طماطماية كبيرة مبشورة
معلقة كبيرة ملح
معلقة بهارات فراخ كبيرة
معلقة ببريكا كبيرة
معلقة فلفل اسود صغيرة
معلقة صغيرة حبهان بودر
معلقة توم بودر كبيرة
معلقة بصل بودر كبيرة
كوبايتين دقيق
معلقتين نشا
معلقة كبيرة بيكنج بودر
3اكواب ماء وقطع من الثلج

طريقة التحضير

في بولة ننزل بالفرخة المتقطعة وعليها كل التوابل والبصل والطماطم ونظبط الملح ونقلب كل المكونات مع قطع الفراخ ونعمل فتحات في الفراخ علشان التتبيلة تدخل في قلب الفراخ بتاعتنا وندخلها الثلاجة ليلة كاملة بعد كدة نحضر الدقيق والنشا ونضيف عليهم نصف معلقة صغيرة من كل البهارات اللي حطناها في تتبيلة الفراخ ونبتدي ننزل قطع الفراخ في الدقيق ونقلبها ونطلعها من الدقيق وننزل بيها في المية اللي فيها قطع ثلج وبعدين ننزل تاني في الدقيق ونقلب كويس وفي زيت سخن جدا ننزل بقطع الفراخ ياخد صدمة وبعد كدة نخلي النار متوسطة علشان الفراخ تستوي من برة ومن جوة وعاوزة اقول لحضراتكوا فائدة المية المثلجة بتحمي الكڤر بتاع الفراخ وتخليه متماسك اتمنى ان الوصفة تعجب حضراتكوا والف هنا على قلوبكم
الشيف سماح عطية

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock