عاممقالات

كش ملك


بقلم الكاتب الساخر: مصطفي القمري
• الزعيم : ايوة ياقمرى .. خلاص انا جددت الباقة بتاعة التليفون نكمل كلامنا 
• القمرى : معاك يازعيم .. بس اقف فى حتة مفتوحة علشان الشبكة 
• الزعيم: سمعت اخر نكتة ؟ بيقولك ترامب بيحذر قطر من دعمها للارهاب .. الراجل ده فاكرنا دقين عصافير والا ايه ؟
• القمرى: ماانا من ساعتها وانا ميت على روحى من الضحك .. وعارف وساكت 
• الزعيم: طب هية قطر بتدعم الارهاب ليه ياقمرى ؟ واشمعنى ترامب دلوقتى خارج يقول الكلمتين دول ؟ يعنى هوة مش عارف الكلام ده من زمان ؟ وهية قطر هتعمل ده كله بمزاجها ؟ طب اشمعنى الارهاب بتاع قطر عمره ماراح اسرائيل ؟ 
• القمرى : البواب بتاع العمارة بتاعتنا سمعته بيقول ان قطر اصبحت ورقة محروقة ومكشوفة ولازما ولابد تتفضح علشان يبعدوا التهمة عن اسرائيل .. وان قطر دلوقتى بقت هية المجرمة والناس هتنسى اسرائيل !! وترامب يعمل نفسه صديق العرب ويهبش القرشين من السعودية 
• الزعيم: ايه ده كله داانت البواب بتاعكم بيفهم احسن من العالم دى كلها .. والنبى تسلم لى عليه .. بس برضه عايز اعرف هية قطر رفضت الشروط العربية ليه ؟
• القمرى : هههههه .. ياباشا دا لعب كبير بتلعبوا امريكا واسرائيل وفى الناحية التانية ايران قاعدة لهم ع الترعة .. شغل مصالح .. 
• الزعيم: طب والسيسى اخباره معاهم ايه 
• القمرى: هههههههه .. ماتخافش عليه ده تعلب .. واخدهم على حجره كلهم .. وبيشقطهم زى البيض .. بيلعب معاهم شطرنج – بيلاعبهم بالعساكر ولسة دور الوزير والملك .. ويوم ماهيقول كش ملك .. الكل هيسلم 
• الزعيم : خليه يتسلى .. بس انا اعرف انه محدش بيعرف يغلبه .. 
• القمرى : الوحيد اللى يقدر يكسب السيسى فى الشطرنج … العبد لله .. لانى بحبه قوى .. وفاهم دماغه قوى .. وعارف بيتحرك ازاى على رقعة الشطرنج
• الزعيم : طب كلمه واعزمه على ماتش فى القهوة اللى بنقعد عليها وقوله الزعيم بيمسى عليك 
• القمرى: بس اوعى تنسى العيدية ..يازعيم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: