أدم وحواءعام

الجزء التانى أمهات في مواجهة حملات الدعايا لشركات الأغذية


بقلم : سالي سليمان
شركات كتير بتكتب على عبوات منتجاتها صحي، مفيد، طبيعي ، و العديد من الشعارات المضللة 
ازاي الأم تقدر تعرف الشعارات الغير حقيقية و تحدد المفيد لأسرتها بجد 
شطورة بتقدم لك بعض النصائح اللي ممكن تفيدك و تساعدك على شراء الأفضل لاسرتك:
جولة تفقدية : 
جربي تروحي السوبر ماركت في يوم لوحدك و ما تكونيش متسربعة و لا جعانة و ممكن كمان تكوني اصلا مش عايزة تشتري ، و خدي وقتك و زيادة في قراية المكتوب على العبوات ، خصوصا الحاجات اللي متعودة تشتريها دايما
قومي ببعض الابحاث: 
صوري جزء المعلومات الغذائية و المكونات و ارجعي البيت عملي بحث على جوجل في مواقع موثوق منها طبعا عشان تعرفي مدى ضررهم أو فايدتهم
ركزي في القراءة :
اللي تلاقي من ضمن مكوناته أرقام و حروف زي رموز كده اعرفي أن دي اضافات صناعية ، المكونات الطبيعية أسمائها مفهومة و معروفة و مش محتاجة رموز لتوضيحها
التعاون :
اشركي أولادك (من سن 5 سنوات) في صنع القرار ، اتكلمي معاهم دايما في الافضل لصحتهم ، علميهم الذكاء في الاختيار 
خليهم يساعدوكي في البحث عن الافضل و الاصح 
خليهم كمان يشاركوكي في اختيار خطة الوجبات اليومية (منيو الأسرة) و بالتالي في تحديد قائمة الشراء لاسرتكم
عايزين نطلع جيل واعي غذائيا و عارف ايه الأفضل لصحته. و ما يتضحكش عليه بشعارات الاعلانات و الخطط التسويقية للشركات الكبيرة
مدير قسم هى وهو : داليا طه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: