شعر وحكاياتعام

صفحة بيضا


خالد الشاعر

طول عمرى واضح

وضوح الشمس

وعاشق للجمال والبوح

وعندى كل شئ بالهمس

وبعشق م القلوب نورها

وعمرى ما كنت غيرمسموح

ولما بحب بتكلم بعلو الصوت

وبعشق حتى لو عشقى

نهايته الموت

أنا إنسان

بصفحة بيضا من بدرى

و من قدرى لا يمكن أفوت

وممكن إنى أتبسم

و أنا مجروح

كتير القلب بيعافر

معاه الروح

وبكتب عن جمالها ساعات

وبحلم بيها كما عادتى

بصورتها

برغم بعدها المسافات

لكن برضه

بروحى لروحها بروح

ساعات أغضب

يقولوا عنى متكبر

وأنا أضحك

مانا غلبان

بقلمى بس وبعبر

كتير فارقت من حوا

كتير العشق خدنى بعيد

مع حوا

لكنى لما بستنى و بتأنى

بلاقى حظى م الجنه

برغم غرورها وغروري

برغم سطورها وسطورى

صحيح لو حب أسطورى

فراقنا برضه حنيه

مفيش بينا كتر فروقات

وكل الفرق ما بينا 3 ساعات

برغم فراقنا لسانا

بنستنى نشوف الوعد

بنستنى نشوف كدة بعض

فنتبسم

ونكتب كان ما بينا حب

نعيش ذكراه

ونحلم تانى نتقابل

وناخد بعض ب الأحضان

زى زمان

زمانا فات وحبنا مات

ولسه نسيم روايحنا

على الطرقات

مدير قسم الأدب والشعر

علا السنجري


مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: