أدم وحواءعام

رسالة من امرآة “البحث عن الذات”

بقلم مدير قسم هى وهو : داليا طه
كتير مننا مع العمر مش بيلاقي نفسه بيلاقيها تلاشت مع الاستخدام اليومى والزمنى ياعنى من الحياه اليوميه والروتين اليومي سواء اللى مفروض علينا او اللى احنا فرضناه على انفسنا ونرجع اخر اليوم على مكان راحتنا مهمومين مش حاسين انحنا انجزنا حاجه ولا ابدعنا حاجه ولا سبنا حاجه تكون هى بصمتنا في الحياه ومع تجمع الايام واجبار انفسنا انحنا نكون زى مااحنا ومايكونش لينا حلم او هدف او طموح غير كلمتين الحمد لله عايشين ومستوريين ويارب العيال تكبر ويحققوا حلمنا حتى حلمنا عايزين ولادنا يحققوه بعد مااحنا فشلنا بقينا بنورث احلامنا لبعض لانى ماعندناش القدره ان كل واحد بس يحقق حلمه حتى اولادنا حيدوروا ان اما يكبروا ويجوزوا ويخلفوا ولادهم هما اللى يحققوا حلمهم اللى ماعرفوش يحققوه لانهم كانوا بيحققوا حلم اهاليهم دايره ومش بتخلص وبتلف تلف وللاسف كله طالع مكبوت وحلمه مقطوع وعايش وخلاص
ليه ماندورش على ذاتنا ليه مانسبش بصمتنا ليه مانجاذفش ونحقق طموحنا ليه دايما بندور على حلم مش حيتحقق بايد حد تانى 
ابحث عن نفسك ابحث عن كينونتك ابحث عن شخصيتك مش معنى انك بتعمل نفس كل حاجه كل يوم وكل سنه والعمر كله زى ماهو يبقي ماتقدرش تكون نفسك وتلاشي نفسك شوف حلمك ايه او هوايتك ايه وحاول تجددها واوعي تقول اروح فين بعمري ده كل مابيطلع منك نفس نافس نفسك اتحداها قويها غذيها مش عيب انك تتعلم مش عيب ان عيالك يساعدوك انك تتعلم العيب انك ماتسيبش بصمه في حياتك الدنيا اتغيرت وحاجات حواليك متاحه انك تدور فيها على نفسك رياضه فن ادب دور علي سعادتك في يومك الكئيب حتلاقي نفسك عند طاقه ايجابيه ويمكن تخلى ولادك عندهم حلم وطموح يحققوه لنفسهم مش حيدورا على عيالهم علشان يحققوه 
كون نفسك كون بصمه سواء في حياتك او حياه الاخرين

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: