شعر وحكاياتعام

دنيا

سالم عباس الشولحي


فيها الدنيـــا اعزاز اكبار
فيها اللى خسارتهم راحه
فيها الدنيا غوالى لانظار
فيها اللى اخلاقهم جَرَاَحه
فيها اللى ف كلامَه نار
فيها اللى ف كلامَه سماحَه
فيها اللى بشكِتّه مسمار
فيها اللى يداويك براحه
فيها الدنيا زينيــن لافكار
فيها اللى شورتهم طواحَه
فيها الدنيا وجوه يا ستار
فيها اللى بسمتهم صَبَاحَه
فيها اللى شوكتهم صبَار
فيها اللى كيف التفاحه
فيها الدنيا اللى تريده جار
فيها اللى يشّيِن مطراحَه
فيها الدنيا حايذين لاضرار
فيها اللى ف دمك سَبَاحَه
فيها اللى يريدلك لامرار
فيها اللى طيبك نَصَاحَه
فيها الدنيا للحـق نصَار
فيها اللى يطمثا بفصَاحه
فيها اللى يكدبوا فُجار
فيها اللى مبداهم صراحَه
فيها الدنيا رزقهم لامطار
فيها اللى فولتهم شواحَه
فيها الدنيا بعزوتهم اشرار
فيها اللى كثرتهم صَدَاحه
فيها الدنيا حاميه الجبار
فيها اللى قوته ف سلاحَه
فيها الدنيـا لمكــة زوار
فيها اللى قلوبهم فواحـه
فيها الدنيا ايخافوا الجبار
فيها اللى حجتهم اسياحَه
فيها الدنيا ارجال احـرار
فيها اللى وصفهم قوقاحه
فيها الدنيا ع الياس صَبَّار
فيها اللى عايش بنواحَــه
فيها الدنيا بصير لانظار
فيها اللى ما يراعى اقداحَه
فيها الدنيا فقيـر فـى دار
فيها اللى قصورَه فى واحه
———————
      مدير قسم الادب و الشعر
علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: