أدم وحواءعام

الفرق الوحيد بين الفاشل والناجح هو

بقلم الخالة وداد
الفرق الوحيد بينك وبين أي واحد ولدي العزيز..أيوة أنت يالي بتقرأ دلوقتي مستغرب ليه! أنت بمجرد أنك اديت نفسك لحظات تقرأ الكبسولة دي فأنت بالفعل ناجح.
المهم الفرق موجود في طريقة التفكير وكيفية استغلال الفرص
الناجح بيشوف الفرص في كل مشكلة وكل مشكلة عنده بمثابة طاقة القدر ليه
الفاشل تقريبا مش بيشوف أي فرص في حياته وتلاقيه يقولك الفرصة بتيجي مره واحده بس مع ان علميا باطل الكلام ده!
المشاكل عنده بمثابة كرباج انتحار وابتلاء وذنب ارتكبه!!
الناجح طموحاته أكبر من مرتب الشهر الي بيستناه والعيشة الكريمة الي يادوب علي أد اللحاف بتاعه.لكن دايما بيحلم يمسك السحاب ويعدي البحور
الفاشل مقتنع ان الرضا هو الاستسلام وان الطموح هو التبتر علي النعمة وعشان كده بيقاوم أي فكر متجدد
الناجح مغامر يفوت في الحديد مش مستني رأي ولا بيراعي حد وبيجدد ويجرب ويمشي في وسط الطريق وسط الموج والسيارات
الفاشل هو والحيطة أصحاب ملازم ليها ويعمل اعتبار لكل الناس وممكن يتنازل عن مبادئه ارضاء للناس
الناجح تفكيره عالي ومتفائل ومتيقين انه خلق للنجاح الباهر مش نجاح عادي
الفاشل معندوش تفكير غير السلبية والتشاؤم وأهي عيشة والسلام
الناجح موجود بس متخفي لحد ما يشتغل ويظهر شغله وشغله هو الي يعرفك بيه وبشخصيته
الفاشل موجود ف كل مكان حتي في بيتك وكلامه نمطي وتقليدي وتقدر تعرفه بيه
ياتري بقي انت قررت تقي ايه؟

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: