شعر وحكاياتعام

مقالات وحكايات ماما زوزو الوجع الصامت

بقلم دكتورة زينب زكى
اما اتبدلت صفاتي .. عرفت انى كبرت واتعلمت خلاص مقولش اللي انا حاساه.. بقيت اسمع اكتر ما أتكلم .. بقيت ارد في سري بكلام كتير ومنطقش ب ولا كلمة.. بقيت اعرف اضحك اللي قدامي في عز منا لسه مخلصة عياط ومحدش بيعرف كده غيرى..
كبرت وبقيت اكبر دماغي م التفاصيل واقول لاصحابها تمام تمام حصل خير.. اتعلمت اسيب ايد اللي عايز يمشي من غير عياط.. بقيت اجيب المشكلة فيا بدل ماقول كلام هيظلم مشاعري ومش هيكفي اللي جواياها .. عرفت قيمة نفسي من غير ماحد يوصفهالى ..عرفت ان الحب المثالي في الافلام القديمة ومبقيتش احط كلمة “بيحبني اوي” ضمن المميزات عشان انا استاهل اتحب فعلا 
كبرت وبقيت اعرف اشغل نفسي واقويها عشان معملش مكالمة وحشني صوت اصحابها اللي ميعرفوش التقدير.. بقيت ابعد عني اي حد هايجيبلي وجع الدماغ.. اتعلمت ابين اني مستمتعة جدا بدور الصديقة المقربة وانا عارفه نوايا اصحابها تمام .. ومبقيتش ازعل من صحابي اما ينسوني،،وبقيت انا العاقلة الوحيدة اللي بيجروا هما عليها “وقت اللزوم”..
كبرت واتعلمت ان الاستغباء ذكاء بيعرفني بسهولة معدن الممثلين حواليا.. اتعلمت ان محدش فيها باقي ومفيش حال بيدوم.. وبقيت اتونس بوحدتي اكتر م الناس 
كبرت واكتفيت بحواديت الناس اللي بتأكدلي اني في غنى عنهم وان الوحده اهدي وارقي بكتير.. وبقوا يحسدوني عليها
كبرت وبقيت اقرا الناس من عينيهم بشكل واضح اوي .. كبرت اوي وكل اللي اتغير فيا حاجات حلوة اوى بس للاسف علي قد مافرحتني تعبتني …
الفهم الزايد مبيوجعش غير صاحبه اولا وبتخليه يبص للواقع بوضوح والواقع ميقلش عن الغابه بشئ
تحياتى للجميع
ماما زوزو

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: