أدم وحواءعام

الفطام شيرين محمد مدربة تربية إيجابية معتمده من مؤسسة التربية الايجابية الامريكية




حبيت اشارك معاكم تجربتي في فطام ابني .. يمكن فيه ام تكون بتفكر تفطم ابنها او بنتها تقرا الكلام ده .. المهم مطولش عليكم …. قبل لما افطم ابني قولت اروح للدكتوره بتاعته واسئلها عن احسن طريقه لفطام الطفل … و الحقيقة قريت كثير في الموضوع ده فعرفت ان انسب طريقه هي الفطام التدريجي …ولكن كانت الصدمه لما سألت الدكتوره وقالتلي اني اسيبه مع اي حد من عيلتي واروح اقعد في اي حته يومين ثلاثه لغايه لما ينسي الرضاعه ..طبعا ردها صدمني وقلت في نفسي وهي بتتكلم انا عايزه افطمه من الرضاعه مش افطمه مني انا شخصيا وطبعا استغربت جدا من ردها ده ومناقشتهاش عشان مندخلش في مجادلات ملهاش لازمه …. واخدت ابني ومشيت.. وطبعا من تجربة الاصدقاء المحيطين ومن اللي كنت بشوفه زمان واسمع انه نستخدم صبار وحد يقول لا نستخدم شطه.. ايه التعذيب ده ….والطفل ييجي يرضع يبقي بيعيط وهيتجنن ياحبيبي ..وهو كل اللي طلبه انه يرضع عشان هو رابط في عقله مابين الرضاعه واحساسه بالامان والحنان اللي انتي بتمثليهم.. فقررت ان الفكره اللي عايزه اوصلها لابني ان الرضاعه مش هي الامان.. انا الامان وانا معاك مش هسيبك وهنمر الفتره الصعبه دي سوا …. بدأت اقلل الرضاعه صباحا وازود في وجبات الاكل ..الحمد لله فطمته عند تمام السنتين ولما كان يعوز يرضع مره اشغله او العبه و اخرجه كثير واحضنه كثير اوي اوي بس لما بيصمم يرضع كنت برضعه.. و استمر الحال ده لغايه لما بقي يرضع مرتين في اليوم صباحا .. وده طبعا غير الرضاعه الليليه اللي مفروض اخر حاجه نفطم الطفل منها وبعدين قللتها بقيت رضعه واحدة صباحا مع الرضاعه الليليه … وطبعا انا كنت برضعه طبيعي من اول ما اتولد وابتديت ادخل الاكل عند سن ست شهور …. وبعدين الحمد لله مبقيتش برضعه الصبح خالص وهو بقي بيلعب ويجري ونخرج كثير واحضنه كثير ..فضلت بس الرضعات الليليه.. طبعا اتقالي اعملي بيبرونه فيها لبن او عصير لما يصحي اديهاله طيب انا عايزه افطمه لما اديله بديل هيعتمد عليه مكان الرضاعه وافضل اعاني اني افطمه من البديل ده … فحطيت كوبايه مايه جنبي وهو كان بيرضع ثلاث مرات بالليل خليتهم مرتين والمره الثالثه كنت بشربه مايه ..وبعدين بقيت مره واحده رضاعه ..ولما يصحي مرتين مايه طبعا كان بيعيط.. كانت بشربه واخده في حضني واطبطب عليه لغايه لما ينام .. فضلت مره واحده رضاعه ودي لما كان يعوز ينام كانت بشربه مايه كويس وابتديت الهيه بالعاب ممكن مره اشغل الاباجوره واطفي نور الاوضه واعمل اشكال بايدي تبان في سقف الاوضه زي لعبه كده ومره اخده في حضني واطبطب عليه لغايه لما ينام …ومره اغنيله لغايه لما ينام او احكيله حدوته والحمد لله فتره الفطام عدت بسلام
رئيس قسم انت الحياه: داليا طه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: