عام

فضفضه .. مع حاتم رأفت .


فضفضه .. مع حاتم رأفت
رجال ونساء …
الفضفضه انهارده بعنوان . رجال ونساء .

يعني ايه راجل ؟ ويعني ايه ست ؟؟ في ناس قالت الرجوله يعني عضلات وخشونه في التعامل.
 وناس قالت يعني الهيمنه والسيطره . وفي ناس واخده هارون الرشيدي مثال اعلا للرجوله . وستات قالت . ست يعني القمر والدلع كله . الست دي بنبوناية المجتمع . وستات قالو . ست يعني كيان مستقل . عقل . شعلة نشاط . وختمو بجملة . الست لا يهزمها رجل . 

وجهات نظر تحترم . بس الكلام ده في اي مرحله من مراحل حياة الانسان ؟؟؟ 


حياة الانسان هي عباره عن سنين كل سنه ب تمر علينا بتعلمنا حاجه جديده . بتنحت ملامح جديده في شخصيتنا . 
وكل عدد سنين معينه بننتقل لمرحله جديده من التفكير وبتختلف وجهات نظرنا في كثير من الاشياء . 

احنا هنتكلم عن مرحله معينه . مرحلة بداية الزواج .

 لحظة الجواز بتكون اول لحظه بتحس فيها برجولتك المتكامله . خلاص بقيت رب اسره . مفيش كلمه بعد كلمتي . مراتي ملزمه تلبي كل رغباتي وتنفذ كل طلباتي . ادخل البيت . البيت كله يتكهرب . وياسيدي لما اخلف. هاشتم واضرب واشخط براحتي . وتلاقي واحد يقولك ” انا باخلف مخصوص علشان اشتمهم ” 

انا آسف جدا . مش دي الرجوله . دي اسمها ميكتاتوريه . همجيه . تسلط .

اي حاجه غير ان اسمها رجوله . الرجوله عقل . حكمه . حسن تصرف .

الرجوله انك تعرف ان بمجرد زواجك بقيت مسئول عن انسانه تانيه . حمايتها الانفاق عليها حسب امكانياتك . لازم تقدر توازن الامور بعقلك وحكمتك . لازم تعرف ازاي تكون الخادم والسيد . لازم تكون عارف ازاي تربي اولادك تربيه سويه . تعلمهم الحلال والحرام . الصح والغلط . الأعراف والاصول . لازم تحس بمسئوليتك تجاه رعيتك يا ملك . لازم تقوم بواجبك في التعليم والمتابعه والمراقبه .

فضفضه .. مع حاتم رأفت

 كل ده من غير ما حد ياخد باله . لازم تؤمن انك تعامل مراتك زي ما تحب ان جوز اختك يعامل اختك . الحياه مش حرب . الحياه حلوه المهم نقدر نعيش حلاوتها . شوف مراتك بتحب ايه وحاول تعمله . حاول تشاركها في اهتمامتها وتشجعها وتحتفل بنجحاتها . اتفق معاها على اسلوب تربو بيه اولادكم ويكون اساس لحياتكم . لو قدرت تعمل كل ده . اعتها هاتحس انك راجل وقد المسؤليه . 

اما الست ياساده فده موال كبير . محتاج قعده تانيه .
ما زال السؤال مطروح . 
اواي الست تبقى ست ؟؟؟
نتمنى مشاركاتكم معنا للاجابه على السؤال .
” وانتظرونا بالحلقه القادمه “

إقرأ أيضا


مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: