شعر وحكاياتعام

القلب يعشق ضحكتك

القلب يعشق ضحكتك
الشاعر والأديب الدكتورمحمد ضباشه/مصر
______
القلب يعشق ضحكتك
ويفرد رموشه حنين
وضل ومكان
يتهجى حروف الشوق
ألقاها فى نن العين
طرح السنابل فى الغيطان
وعينيا تشاور للقمر
على ضوء شموعها
ينزل يحسسني بأمان
يا منتهى حلمي
جففي أنات الوجع
من نبض طرح حرمان
وبلاش طواحين الهوى
تعصرنا سوى
وتاخدنا لليأس والهجران
مدي أيديكي دوا
علقيني فى نبض الروح
يمكن اعود إنسان
أركب على موج الوصال
لشط جناتك
طب مدي وحياتك
دا شوق العيون هيمان
أو اغزلينى شال
متشال على راسك
أو شفطة من كاسك
تروي عطش ظمآن
يا أم الحنان يا أما
أهواء بيلعبوا بيكي
لا عليكي صلوا وسموا
وسابوا الدمع فى عنيكي
يا بلدي المنهوبة عمار
زرعوا البوار فيكي
ونهار ما لاقي دار
فى كل أراضيكي
طاله ببسمة أمل
فى الحضن تلاقيكي
وكل موج الوصال
فى الزار مغميكي
مكتف معانا نهار
ما هو عارف يراضيكي
بلغ بصبري فرار
وبأيه يسميكي
ام الهموم والضنى
ولا شمس نسيانا
بالجهل ركبانا
طب مين يعديكي؟
مدي رموشك طريق
أو قلة للعطشان
وافتحي شبابيكك بريق
حضن ودفا وحنان
الناس بتطفح ضيق
وعتمة فى كل مكان
ما لاقيه طوق الأمان
ولا دمع يكفيكي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: