بقلم/إسراء أحمد
خايف من ايه؟
خايف من حلم مقدرش أحققه وأنا نفسى فيه.
خايف عمرى يعدى ويسبقنى وأنا لسه بدور عليه.
خايف ألاقى نفسى وسط زحمة ،والكل بيتفرج عليا وأنا الجريح.
خايف أعدى البحر وأغرق فيه.
خايف أقبل بحد غصب عنى ،وأبقى أنا الجانى والمجنى عليه.
خايف أحكم على الناس ،وأعمل نفسى القاضي والجلاد.
وخايف من ايه كمان ؟
بطل تخاف وخلى ثقتك فى الله.
اوعى تقبل بحد مش ليك ،فتظلمه وتجنى عليك.
اوعى تخاف من بكره ،طول ما ربك هو اللى حميك.
بطل تخاف من تحقيق الأحلام ،واياك تقول أحلم على المقاس.
الحلم مفهوش تفصيل يا صاحبى.
الحلم يا إما حلم يا إما بلاش.
عافر وقاوم وامسك فى الأحلام.
واوعى تظلم وتحكم من غير إثبات.
خلى أملك دايما فى بكره اللى لسه مجاش.
