شعر وحكايات

مريض نفسي

بقلم الشاعرة سناء عبد الوهاب

عارف خطورة مرضي ونهايته

مريض نفسي بدا بهواجس الاحساس

وعاش بيصدق الدنيا وكل الناس

مريض نفسي وحد ملوش مكان بينكم

مريض لكن يخاف يظلم يخاف يجرح

وصعب يكون في يوم منكم

بشوف كوابيس بشوف صورة لقلب حبيس

بشوف دايرة داخلها صراع

وبسمع صوت بيهتف خوف

كسوف الشمس مش معناه يكون تنفيذ لشئ

محتوم يجوز مكسوفة يوم علشان شافتنا

دموع

من حد كان محروم

كسوف الشمس مش معناه ضياع معاناة

كسوف فايق حدود تفسير

مريض نفسي

يشوف الشمس وكسوفها يقول

دستور في مرضي الخوف

ونرجع تاني ونفكر مريض يعني معاه

كل المشاكل دول

يشوف النملة عصفورة

يشوف الورده بلورة بتحمل صورة الأيام

يشوف الضعف إنه تمام

وان الضحك باب للرزق

يشوف الدمعة صاحب كدب

يشوف الوهم اصل حقيقي مش صورة

مريض حاول يكون عادي

لكن مرضه بيحجب روحه من الصورة

يخاف من اللمة والزحمة

يخاف لو زاد عليه الضوء

بقولك ايه داممكن يقلب الدنيا عشان

لمحك باصصله لفوق

وممكن ينعزل عنك في لحظة اهتمام للغير

وجايز يقتلك لو شاف في قلبك لحظة تاني بديل

بقولك أيه كلامي دا كله عن نفسي فخد بالك

احبك اه وأخاف انك تكون جنبي

اكون لك بالكيان.والروح واقولك روح

في يوم مالاأقيك بتتخلي مريض لكن

بخاف من الكدب ومن الناس

بعيش صامت في دنيا كلامها

كله قزاز

وباخد جنب لو مرة لقيت الحب بيخبط

عشان خايف في يوم يخبط ويتحرر من الوحدة

مريض نفسي بعيش وحدي واخاف جدا من الوحدة

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: