صائغ القوافي الشاعر
فهد بن عبدالله الصويغ
ثقتي بنفسي خلتك
تعتقد إني مغرور
مسكين صعبت علي
متعود تكون مكسور
ما يطول الفلك هراج
ولا ذليل عاش مقهور
طال الفلك عراج
معتلي جبال و نهور
أمير نسل أمير
قطر جبيني لك بخور
العمر كله فنيته
بعزة نفس النسور
طاير بسماي لوحدي
مايعيقني أبد مضرور
حقي أبد ما نسيته
أجيبه ولو بعمق البحور
واثق دايم بمشيتي
وبالفخر هامتي حضور
لي حسام للخوان بتار
له ضربة تفتح له قبور
الوفا من طبع الكبار
ولا درب عندي لمحقور
تفهم مقصدي وإحذر
من كان للشمس نور
مايستوي رمل بذهب
ولا يستوي يوم بدهور
خلك على الردى لحالك
دامني بالسما منظور
ماهزني كثر أقوالك
ولا همني حاقد مزعور
خلك بطبع خصالك
غدار و تبات مغدور
ظلي لا يوم جالك
عشت دنياك مسرور
لا تغرك يوم بسمتي
تراها بسمة الواثق المنصور
وإياك تغتر يوم بطيبتي
ترى للطيبة حد وسور
للصبر آخر يا ذليل عندي
نهايتة شينة تفتت صخور
لاتحسب إن كلامك جارح
ترى مايجرح النسر عصفور
5-2-2018
