طريقه عمل النجرسكو من صديقه المدونه
ام عمر
طريقه عمل النجرسكو
النجرسكومكرونه شرايط بتتسلق عادى طبعا
صدور فراخ بصي ممكن لما تجيبي فرخه وتقطعيها عشان صينية البطاطس تاخدى الصدور وتحوشيهم لحد الكميه الى تحبيها
تسلقى الصدور وممكن صدور عاديه مخليه تتسلق مع حبهان وقرنفل وورق لورا وملح وفلفل وبعد ماتتسلق تتفتفت بس كبيره شويه
البشاميل عادى طبعا بس انا بحط فيه قرنفل وورق لورا وحبهان وبعدهم عشان أشيلهم بس بنعمل كميه كبيره وعلبة كريمه جهينه للطبخ عشان يكون دسم وكمان مرقة ماجى وممكن نحط شويه من الشوربه الى عملناها بالصدور . انا بحط سمنه وزيت للدقيق وعليه كيلو لبن ومكانه بدوب لبن بودره والشوربه وعليهم المرقه وأقلب وشويه وأحط الكريمه ورشة سكر لازم طاسه او حله صغيره أحط فيها سمنه وأشوح فلفل ألوان وعليه مسطرده بودره وكارى وملح وفلفل واأشيل الفلفل وأحط الفراخ مكانها (المفتته سابقا) وأقلب شويه وأحط عليها جزء من البشاميل
ملحوظه الفلفل للنباتين
المهم الصينيه تدهن كويس ونحط بشاميل وبعد كده خلطة الفراخ بالبشاميل الى عملناها (نسيت بنحط خليط من الشيدر والرومى والبارميزان والموتزريلا على البشاميل)
المكرونه بتتقلب فى بشاميل برضه ونحطها فوق الفراخ العايمه فى البشاميل
ونحط طبقه بشاميل فوقيهاونرش رشه من خليط الجبن وممكن اى أنواع بس بتدى طعم تحفه الجبن ورشة زبده لانى مش بحط بيض وعلى الفرن
