سر الطبخةعام

ترياكي اللحم من مطبخ مروة كمال



مقدمة من / مروة كمال
وقت التحضير / 15 دقيقة
وقت الطهي / 25 دقيقة


المقادير :
نصف كيلو لحمه مقطعه رفيع زي الشاورما
هنتبلها في التتبيله دي :-
معلقتين كبار طحينه
معلقتين كبار خل تفاح او خل عادي
معلقتين كبار خل بلسمك( اختياري)
معلقتين كبار صويا صوص
معلقه صغيره نشا ندوبها في معلقتين كبار ماء بارد
فلفل اسود
رشه قرفه ورشه كاري


الطريقة :
– هنتبل اللحمه ونغطيها ونسيبها في التلاجه ليله كامله

– في طاسه واسعه وكبيره نحط معلقتين زيت ونشوح بصلتين كبار مقطعين جوانح حوالي دقيقتين ونضيف عليها ٢ فلفل اخضر مقطع جوانح ( وممكن نضيف فلفل الوان مقطع جوانح اختياري)

– يدوب تشويحه خفيفه بحيث البصل والفلفل يفضل مقرمش نشيلهم من الطاسه 

وفي نفس الطاسه نشوح اللحمه علي نار عاليه بس ما نشوحهاش كلها مره واحده عشان الطاسه تفضل سخنه واللحمه تأخد صدمه وتحتفظ بالعصاره بتاعتها
– هنشوح اللحمه علي دفعات لحد ما تغير لونها كلها نضيف عليها باقي التتبيله ونهدي النار ونشوح اللحمه لحد ما تستوي ( ممكن نضيف ميه سخنه شويه بشويه لحد ما اللحمه تستوي خالص

– نضيف معلقه كبيره توم مفروم وفلفل اسود وجنزبيل بودره ونقلب
نضيف ٤ معالق صويا صوص 
– ندوب معلقه صغيره نشا في نصف كوب ماء بارد ونضيفها علي اللحمه
نسيبهم علي نار هاديه حوالي خمس دقايق
– في الأخر نرجع البصل والفلفل المتشوحين نقلبهم دقيقه واحده بس ونقفل النار ونقدمها 

– الوصفه دي مش هنحتاح للملح لان الصويا صوص مالحه وفي الأخر دوقوها ولو احتاجت ضيفوا رشه خفيفه
و الف هنا على قلوبكم يارب
مدير مطبخ سحر الحياة / نيفين منصور

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: