عام

مقال بعنوان “بلا نيله”


بقلم داليا السيد داود 
الراجل اللي فاكر نفسه جايب الديب من ديله وهو أصلاً ديله مقطوع ، الراجل إلى عامل نفسه أبو الرجاله بس على مراته وعلى أي حد تاني زي الفيران في الجحور.
تعالى بقه هنا وصحصحلي.
;أولاً أنت من غير واحده ست ما كنش حد أصلاً سمع صوتك لأن إلى جابت حضرتك هي واحده ست.
الفترة الأخيرة انتشرت ظاهرة الخيانه عند الرجالة ومحاكم الأسرة إتملت ستات غلابه مغلوبين على أمرهم من شوية ذكور بس في البطاقة ،، مثلا راجل طرد مراته وغير كالون باب الشقة وسابها هي وأولادها في الشارع وكمان مالكيش حاجه عندي .
راجل ثاني – ده بقه خطير – يبيع مراته إلى وراها وقدامها ويسيبها يا مولايا كما خلقتني وبعدين يعمل معاها الصح ويقولها بالسلامه سكتك حضره .
واللي عاشت عمرها كله تحت رجلين جوزها وأوامره كلها تُنفذ وبعدين راحل أتجوز عليها ومع نفسها بقه هي.
واللي صبرت ضرب وأذيه وقلة فلوس وجحود منه ومن أهله وبعدين قالها شكراً أنا عايز أعيش حياتي وأنت خليك كده متعلقه.
فوقوا يا رجاله فوقوا شويه لأ فوقوا كتير ،، الستات تعبت وزهقت حرام عليكم .
وأنت يا سعادة الراجل أنت بنتك ست وأختك ست و والدة حضرتك ست.
خليك فاكر يا أبو الرجالة أن داين تُدان وهو كأس وداير على الكل والظلم الحاجه الوحيدة الي لازم ترجعلك ، وخلي بالك هتلف لفتك وهترجع عايز تترمي في حضن واحده ست “أيوه زي مابقولك كده”.
كلامي للرجاله إلى نسيت نفسها وتجبرت ونسيت أن فيه رب كريم ما بيرضاش بالظلم ومطّلع على كل شئ .
وخلي بالك مفيش أكثر من ظلم الراجل للست .
ده حتى يا أخي رسولنا الكريم قال في آخر خطبة ليه “استوصوا بالنساء خيراً” وقال عليه الصلاة والسلام”رفقاً بالقوارير”.
بجد حرام عليكم اتقوا الله في النساء ،الستات تعبت وعجزت ، وخلي بالك القوي فيه إلى أقوى منه .
كلامي ده للراجاله إلى مقدرتش قيمة الست ومع ذلك فيه كتير من الرجال المحترمه .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: