المقادير :
ليمون اي كميه تحبيها انا عملت 5 كيلو
كيلو ليمون هنعصره
كيلو فلفل احمر شطه على بارد
جزر مبشور ان وجد بس انا مالقتش للاسف
راس توم كبيره
عصفر /حبه البركه/كيس ملح كيلو
الطريقة :
– هنجيب الليمون ونشطفه وننقعه لمده 3 ايام مع تغير الماء صباحا ومساءا
– فى اليوم التالت هنخلله
– نخلط العصفر وحبه البركه والملح مع بعض
– ناخد من الخلطه اللي فيها الملح ونحشي كل ليمونه ونضعها فى البرطمان وكل مانعمل صف من الليمون نضيف عليه من الفلفل المفروم يعني نعمل طبقات من الليمون ومن الفلفل المفروم لغايه مايخلص كل الكميه نحط على الوش فلفل مفروم ونقفل البرطمان من غير مانزود اي سوائل هو هينزل ميته –
بعد يومين هنشوف البرطمان لو احتاج سوائل هنعصر كيلو الليمون مع نص لتر ميه ونزود بيه البرطمان وبعدين نحط القشر على وش البرطمان ومعلقتين زيت لمنع دخول الهوا ونقفل عليه كويس وبعد شهر تاكلوا منه بالهنا والشفا
****ملحوظه
الطريقه دي لو مش مستعجله عليه
لكن لو عايزه تاكلي منه بسرعه هتعملي نفس الخطوات بس هتسلقي الليمون يدوب غلوه واحده على النار وتاكلي منه بعد اسبوع
و الف هنا على قلوبكم يارب
مدير مطبخ سحر الحياة / نيفين منصور