شيف شطورة: سالي سليمان
في أساسيات او قواعد بتمشي على كل انواع الخضر
زي اننا لازم نختار الثمرة السليمة ذات اللون الزاهي , ريحتها فريش و تفتح النفس , مفيش على الثمرة اي خبطات او اثار عض، لأنها ممكن تكون من طيور او حيوانات قارضة
و طبعا اختاري الثمرة الصلبة عشان تعيش معاكي اطول فترة
طبعا مش هقدر احصر كل الخضروات , بس على الاقل هقول اكثرهم استخداما في أكلاتنا العربية
*البطاطس و اخواتها من الدرنيات
اختاري المدورة او اللي بدون انبعاجات، عشان تكون اسهل في التقشير، و ابعدي عن اللي فيها اي تغيير في اللون، زي بقعة خضراء او بنية اللون، او اللي فيها بداية تكون جذور
*الفلفل الرومي بأنواعه
اختاري الطويلة المفرودة خصوصا لو للمحشي و يكون لونها لامع و جلدها ناعم
*الباذنجان و الثمريات
اختاري الحبة الخفيفة لأن كل ما تكون تقيلة ده معناه فيها بذور كتير و بيكون طعمها مر
اختاري الحبة الخفيفة لأن كل ما تكون تقيلة ده معناه فيها بذور كتير و بيكون طعمها مر
اختاري المفرودة خصوصا للحشو
اختاري اللي فيها عنقود اخضر كامل مش مقطوع
و طبعا اختاري اللي لونها بيلمع و جلدتها ناعمة
*الكابوتشا و الايسبرج
عكس الباذنجان اختاري الثمرة الثقيلة ،
و ابعدي عن الثمرة الهايشة الخفيفة، لأن ده معناه ان أوراقها قليلة و ممكن تكون دبلانة أو متاكلة من الداخل من حيوان قارض
*الطماطم
اختاري اللي بتلمع و لونها احمر قاني
اختاري اللي عنقودها الاخضر موجود و سليم، و لو هتحفظيها عندك كام يوم اغسليها بدون ما تقطعي العنقود لأن وجود العنقود بيحافظ على عمر الطماطم
البصل و الثوم و الجذور عموما
اختاري الثمرة الصلبة اللي قشرتها كاملة
*الورقيات
اختاري الاوراق ذات الحجم الكبير, اللامعة , ذات اللون الاخضر الزاهي و ابعدي عن اللي فيهم بواقي طينة او تربة في الجذور لأن ده بيزود فرصة وجود مخلفات المبيدات و الأسمدة الكيماوية
*الليمون و الحمضيات
اختاري الثمرة الكبيرة ذات اللون الاقرب للاصفر الفاقع ، و تكون لا طرية و لا صلبة و تكون قشرتها ناعمة
رئيس قسم هو وهى : داليا طه
