بقلم / محمد عبد النبى محمود
بينّا ذكرى
بعد الفراق راجعالى تانى … بتقولى خلّى بينا ذكرى
عايزانى افكر فيها تانى … عايزانى اعيش واحلم لبكرة
لأ والغريبة عينيها بتضحك … معرفش ليه الوهم ماليها
وقلبى قاللى أنا مش مسامحك … لو فاكر ذكرى ف يوم ليها
لو فاكر ذكرى ف يوم ليها
قالتلى ساكت ليه ما تتكلم … ودموعى نازلة بتتألم
فاكرانى هنسى الجرح واسامح … وخلّى قلبها يطمن
قولتلها آسف غلطة حياتى … حبيت بقلبى وده جزاتى
مقدرش اكون أنا ذكرى ليكى … عرفتى سر لحظة سكاتى
امشى وبلاش تعيشى ع الماضى … حبّك ده وهم كلام ع الفاضى
إن كنت بعدك هعيش لوحدى … حياتى أحسن بيها أنا راضى
حياتى أحسن بيها أنا راضى
