بقلم دعاء السيد داوود
فاكرين فيلم الجميلة والوحش
فاكرين البطلة بيل لما جوستون كان عايز يتجوزها وهي كانت رافضة تماماً
في حين ان بقية البنات كانت هتموت عليه لأنه وسيم ومفتول العضلات!
قالو عليها هبلة عشان رفضت واحد زي جوستون
ايه الفرق بين بيل وباقي البنات !
بيل كانت بتحب القراءة اللي ساعدتها تبقي شخص مثقف وناضج وقدرت تفهم نفسها وعرفت قيمتها وقدرتها صح
قدرت تعرف ايه اللي هيكملها بالظبط في شريك حياتها ويشاركها حلمها وهواياتها واهتماماتها
وحبت الوحش اللي كلنا شفناها مجنونة لما عملت كدا
محدش هيقدرك قدك حبي نفسك وافهميها واعرفي حلمك وعيشي عشانه واقري وخليكي مثقفة
متتجوزيش لمجرد الزواج وفستان وعريس
اتجوزي اللي هيكملك ويكمل حلمك معاكي ويبنيكي لأن مسميات الحب بتروح في لحظة لو دماغكم وروحكو مش واحدة
اتجوزي الوحش اتجوزي اللي هيعيشك ملكة وإلا متتجوزيش
